jmjnewso
ଜେଏମଜେ ବ୍ୟୁରୋ : ସ୍କୁଲରେ ସାମିଲ ହୋଇଛି ବାଲ ବଟିକା । ଚଳିତ ବର୍ଷ ନୂଆ ଶିକ୍ଷା ନୀତି ଲାଗୁ କରାଯାଇଛି । ହେଲେ ଆରମ୍ଭରୁ ଝୁଣ୍ଟୁଛି ବ୍ୟବସ୍ଥା । ପ୍ରଥମ ଶ୍ରେଣୀରେ ନାମ ପଞ୍ଜିକରଣ ପୂର୍ବରୁ ପିଲାମାନେ ବାଲ ବଟିକାରେ ପଢିବେ । ଶାରୀରିକ, ବୈଧିକ ଓ ଗାଣିତିକ ବିକାଶ ପରେ ପିଲା ପ୍ରଥମ ଶ୍ରେଣୀରେ ଛଅ ବର୍ଷ ପରେ ପ୍ରବେଶ କରିବେ ।
ଏଥିପାଇଁ ଏବେ ସ୍କୁଲ ଗୁଡ଼ିକରେ ବାଲ ବଟିକାରେ ନାମ ପଞ୍ଚଜିକରଣ କରିଛନ୍ତି କୁନିକୁନି ପିଲା ।
ଗଞ୍ଜାମ ଓ କୋରାପୁଟ୍ ଜିଲ୍ଲାର ଅନେକ ବ୍ଲକରେ ସ୍କୁଲ ଗୁଡିକରେ ପିଲାମାନେ ପାଠ ପଢ଼ିବା ପାଇ ଆବଶ୍ୟକ ଭିତ୍ତିଭୂମି ନାହିଁ। ଆବଶ୍ୟକ ମୁତାବକ ଶିକ୍ଷକ ମଧ୍ୟ ନାହାନ୍ତି। ପୁଣି କେତେକ ସ୍ଥାନରେ ଶ୍ରେଣୀ ଗୃହର ଅଭାବ ରହିଛି। ତେଣୁ ଗୋଟିଏ ଗୋଟିଏ ଶ୍ରେଣୀ ଗୃହରେ ଦୁଇରୁ ତିନୋଟି ଶ୍ରେଣୀର ପିଲା ବସି ପାଠ ପଢୁଛନ୍ତି। ଏପରି ସ୍ଥିତିରେ ବାଲ ବଟିକା ଖୋଲିବା ପରେ ସମସ୍ୟା ବଢିଯାଇଛି। ପ୍ରଥମେ ଭିତିଭୂମି ସୃଦୁଢ କରିବା ପାଇଁ ବୁଦ୍ଧିଜୀବୀ ଓ ଅଭିଭାବକ ଦାବି କରିଛନ୍ତି।
