jmjnewso
ଜେଏମଜେ ବ୍ୟୁରୋ : ରାଜ୍ୟରେ ବ୍ଲକ ଓ ପଞ୍ଚାୟତ ସଂଖ୍ୟା ବୃଦ୍ଧି ପାଇବ । ୨୦୨୭ ପୂର୍ବରୁ ପଞ୍ଚାୟତ ଓ ୨୦୨୯ ପୂର୍ବରୁ ବ୍ଲକ ପୁନର୍ଗଠନ ହେବ । ଏନେଇ ସୂଚନା ଦେଇଛନ୍ତି ପଞ୍ଚାୟତିରାଜ ମନ୍ତ୍ରୀ ରବି ନାରାୟଣ ନାଏକ । ପଞ୍ଚାୟତିରାଜ ମନ୍ତ୍ରୀ କହିଛନ୍ତି, ଗତକାଲି ରାଜ୍ୟପାଳ ଆମ ବିଭାଗର ସମୀକ୍ଷା କରିଥିଲେ । ପଞ୍ଚାୟତିରାଜ ଆଇନ୍ ବ୍ୟବସ୍ଥା ଭିତରେ ରାଜ୍ୟପାଳ ପ୍ରସ୍ତାବ ଦେଇଛନ୍ତି । ଆଇନ୍ ଅନୁସାରେ ପଞ୍ଚାୟତ ଓ ବ୍ଲକ ପୁନର୍ଗଠନ କରାଯିବ ।
ପଞ୍ଚାୟତ ଓ ବ୍ଲକ ପୁନର୍ଗଠନ ହେଲେ ପ୍ରଶାସନ ଲୋକଙ୍କ ପାଖରେ ଆହୁରି ଭଲ ଭାବେ ପହଞ୍ଚି ପାରିବ । ଲୋକ ମଧ୍ୟ ସରକାରୀ ଯୋଜନା ବାବଦରେ ଅବଗତ ହୋଇପାରିବ । ଏଭଳି ହେଲେ ଲୋକଙ୍କ ସମସ୍ୟା ଦୂର ହେବ । ମନ୍ତ୍ରୀ ଆହୁରି କହିଛନ୍ତି, ବିଭିନ୍ନ ରାଜ୍ୟରେ ଗୋଟିଏ ଗାଁକୁ ନେଇ ବି ଗୋଟିଏ ପଞ୍ଚାୟତ ରହିଛି । ପଞ୍ଚାୟତ ବ୍ୟବସ୍ଥା ଭିତରେ ଓଡ଼ିଶାରେ ପଞ୍ଚାୟତ ପୁନର୍ଗଠନ କରାଯିବାକୁ ନିଷ୍ପତ୍ତି ନିଆଯାଇଛି ।
