ଏସ୍‌ଆଇ ପରୀକ୍ଷା ଦୁର୍ନୀତିକୁ ମାମଲା : ଏବେ ବି ଫେରାର ମାଷ୍ଟରମାଇଣ୍ଡ ଶଙ୍କର ପୃଷ୍ଟି

ଜେଏମଜେ ବ୍ୟୁରୋ : ଏସଆଇ ପରୀକ୍ଷା କେଳେଙ୍କାରୀ ମାମଲାରେ ଖୋଲୁଛି ଗୁମର । ମାମଲାରେ ଦୁଇ ପ୍ରମୁଖ ସହଯୋଗୀଙ୍କ ସହ ୫ ଅଭିଯୁକ୍ତଙ୍କୁ ଗିରଫ କରିଛି କ୍ରାଇମବ୍ରାଞ୍ଚ, କିନ୍ତୁ ଏବେବି ମୁଖ୍ୟ ଅଭିଯୁକ୍ତ ଶଙ୍କର ପୃଷ୍ଟି ଫୋରର ଅଛି । ଶଙ୍କରର ଦୁଇ ପ୍ରମୁଖ ସହଯୋଗୀ ମୁନା ମହାନ୍ତି ଏବଂ ଅରବିନ୍ଦ ଦାସ ଗିରଫ ହୋଇଛନ୍ତି । ଏଥିସହ କେଳେଙ୍କାରୀ ଧରାପଡିବା ପରେ ଆଇନଗତ ଏବଂ ଅନ୍ୟ ସହାୟତା କରିଥିବା, ଶ୍ରୀକାନ୍ତ ମହାରଣା, ସୌମ୍ୟା ପ୍ରୀୟଦ୍ରଶିନି ସାହୁ, ଅଭିମନ୍ୟୁ ଦୋରାଙ୍କ ମଧ୍ୟ ଗିରଫ କରାଯାଇଛି ।

ମାଷ୍ଟରମାଇଣ୍ଡ ଶଙ୍କର ପୃଷ୍ଟି ଅପରାଧିକ ପୃଷ୍ଠା ଭୂମି ରହିଚି । ସେ ଦିଲ୍ଲୀରେ ରହି ରିମୋଟ କଂଟ୍ରୋଲ କରୁଥିଲେ । ପରୀକ୍ଷା ଦୁର୍ନୀତି ଧରାପଡିବା ପରେ ସେ ଫେରାର ହୋଇଯାଇଛି । ତାକୁ ଧରିବାକୁ ଉଦ୍ୟମ ଚଳାଇଥିବା ଆଜି କ୍ରାଇମବ୍ରାଞ୍ଚ ଡିଜି ସୁଚନା ଦେଇଛନ୍ତି । ଶଙ୍କର ଧରାପଡିବା ପରେ ଏଥିରେ ଅନ୍ୟ ରାଜୈନତିକ ବ୍ୟକ୍ତି ଅବା ଏହା ପଛରେ କିଏ ତାହା ଜଣାପଡିବ ବୋଲି କୁହାଯାଇଛି । କ୍ରାଇମବ୍ରାଞ୍ଜ ଡିଜିଙ୍କ ସୂଚନା ମୁତାବକ ପରୀକ୍ଷାର୍ଥୀ ନେଇ ଦୁଇଟି ମୋଡୂଲ୍ କରାଯାଇଥିଲା । ମୁନା ମହାନ୍ତି ବିଜୟନଗରମ ଦାୟିତ୍ଵରେ ଥିଲା, ଯେଉଁଥିରେ ୧୧୪ ଜଣ ପିଲାଙ୍କୁ ଟ୍ରେନିଂ ଦିଆଯାଇଥାନ୍ତା ।

ସେହିପରି ଦୀଘା ମୋଡୁଲ ଦାୟିତ୍ଵ ନେଇଥିଲା ଆରିବିବ୍ଦ ଦାସ । ଯିଏ ପୂର୍ବରୁ ଗିରଫ ହୋଇସାରିଛନ୍ତି । ସେ ୧୧୦ ଜଣ ପିଲାକୁ ଦିଘାକୁ ନେଇ ସେଠାରେ ଟ୍ରେନିଂ ଦେଇଥାନ୍ତେ। ସେଠାରେ ପିଲାଙ୍କ ରହିବାକୁ ୩୫ ହଜାର ଟଙ୍କାରେ ରହିବା ଲାଗି ବ୍ୟବସ୍ଥା ହୋଇଥିଲା ।

ଅଭିଯୁକ୍ତ ମୁନ୍ନାର ଦୁଇଟି ଟ୍ରକ ଏବଂ ଗୋଟିଏ କାରକୁ ଜବତ କରିଛି ପୁଲିସ । ମାମଲାରେ ଏପର୍ଯ୍ୟନ୍ତ ୧୧୦ ମୋବାଇଲ ଜବତ କରାଯାଇଛି । ଆହୁରୀ ୧୫ ଜଣ ଅଭିଯୁକ୍ତ କ୍ରାଇମବ୍ରାଞ୍ଚ ସ୍କାନରରେ ଅଛନ୍ତି । ଏପର୍ଯ୍ୟନ୍ତ ୧୨ ଲକ୍ଷ ଟଙ୍କା ଫ୍ରିଜ୍ କରାଯାଇଛି । ସେଥିରୁ ଶଙ୍କର ପୃଷ୍ଟିର ୯ ଲକ୍ଷ ଟଙ୍କା ଫ୍ରିଜ୍ କରାଯାଇଛି ।