jmjnewso
ଜେଏମଜେ ବ୍ୟୁରୋ : ଛୁଟି ବାତିଲ କଲେ ରାଜ୍ୟ ସରକାର । ପ୍ରଥମେ ବାଲେଶ୍ବର ଜିଲ୍ଲାପାଳ ଜିଲ୍ଲାର ସମସ୍ତ ସରକାରୀ କର୍ମଚାରୀଙ୍କ ଛୁଟି ବାତିଲ କରିଥିବା ବେଳେ ପରେ ଗଞ୍ଜାମ ଜିଲ୍ଲା ପ୍ରଶାସନ ମଧ୍ୟ ଛୁଟି ବାତିଲ କରିଛନ୍ତି ।ଗଞ୍ଜାମ ଜିଲ୍ଲାର ସମସ୍ତ କର୍ମଚାରୀଙ୍କୁ ଜିଲ୍ଲା ମୁଖ୍ୟାଳୟ ଛାଡି ନଯିବାକୁ ନିର୍ଦ୍ଦେଶ ଦିଆଯାଇଛି । ଅକ୍ଟୋବର ୨୫ ତାରିଖରୁ ୩୦ ତାରିଖ ଯାଏ ହେଡ୍କ୍ବାର୍ଟର ଛାଡି ନଯିବାକୁ କୁହାଯାଇଛି ।
ସମ୍ଭାବ୍ୟ ବାତ୍ୟା ମୋନ୍ଥା ଅକ୍ଟୋବର ୨୮ ତାରିଖ ସନ୍ଧ୍ୟାରୁ ରାତି ମଧ୍ୟରେ ଲ୍ୟାଣ୍ଡଫଲ୍ କରିବ । ଏ ନେଇ ବଡ଼ ଅପଡେଟ୍ ଦେଇଛି ପାଣିପାଗ ବିଭାଗ । ଲ୍ୟାଣ୍ଡଫଲ୍ ସମୟରେ ପବନର ବେଗ ୧୦୦ରୁ ୧୨୦ ରହିବା ନେଇ ପୂର୍ବାନୁମାନ କରାଯାଉଛି ।
ବାତ୍ୟା ମୋନ୍ଥା, ଆନ୍ଧ୍ର ପ୍ରଦେଶ ଉପକୂଳର ମଚଲିପଟ୍ଟନମ୍ ନିକଟ କାକିନାଡ଼ା ଠାରେ ଉପକୂଳ ଅତିକ୍ରମ କରିବ । ଏ ନେଇ ନୂଆ ଅପଡେଟ୍ ଦେଇଛି ପାଣିପାଗ ବିଭାଗ ।ଲ୍ୟାଣ୍ଡଫଲ ବେଳେ ଏହାର ପ୍ରଭାବ ଓଡ଼ିଶା ଉପରେ ମଧ୍ୟ ପଡିବ । ଦକ୍ଷିଣ ଓଡ଼ିଶାର କିଛି ଜିଲ୍ଲା ଉପରେ ଅଧିକ ପ୍ରଭାବ ପଡିବ । ଏ ନେଇ ପାଣିପାଗ ବିଭାଗ ଆକଳନ କରିଛି ।
୨୮,୨୯ ଓ ୩୦ ତାରିଖ ଗୁରୁତ୍ବପୁର୍ଣ। ଏହି ଦିନ ପ୍ରଭାବିତ ହେବାର ସମ୍ଭାବନା ରହିଛି। ବିଶେଷ କରି ଦକ୍ଷିଣ ଓଡ଼ିଶାର ଗଞ୍ଜାମ,ଗଜପତି, କୋରାପୁଟ, ମାଲକାନଗିରି,ରାୟଗଡ଼ା ଓ ଉପକୂଳ ଓଡ଼ିଶାର ପୁରୀ, ଖୋର୍ଦ୍ଧା,କେନ୍ଦ୍ରାପଡ଼ା, ଜଗତସିଂପୁର, ଭଦ୍ରକ ପ୍ରଭାବିତ ହେବ।ବାତ୍ୟା ଦିଗ ପରିବର୍ତ୍ତନ କରୁଥିବାରୁ IMD ଆକଳନ ଅନୁସାରେ ସରକାର ପ୍ରସ୍ତୁତ କରୁଛନ୍ତି। ଯେଉଁ ଜିଲ୍ଲା ଗୁଡ଼ିକ ସମ୍ବେଦନଶୀଳ ନୁହେଁ ଗତି ପଥକୁ ବଦଳୁଥିବାରୁ ସରକାର ନଜର ରଖିଛନ୍ତି। ଆନୁସଙ୍ଗିକ ବିଭାଗ ଗୁଡିକ ସ୍ଵତନ୍ତ୍ର ପ୍ରସ୍ତୁତି ପାଇଁ ନିର୍ଦ୍ଦେଶ ରହିଛି।
ODRAF, NDRF, ଅଗ୍ନିଶମ ବିଭାଗ ଓ ଜିଲ୍ଲା ପ୍ରଶାସନ ସମନ୍ୱୟ ରଖି କାମ କରିବାକୁ ନିର୍ଦ୍ଦେଶ ରହିଛି। ବିପର୍ଯ୍ୟୟ ପ୍ରକୋପ ଯାହା ହେଲେ ବି ସରକାର ସର୍ବୋଚ୍ଚ ପ୍ରସ୍ତୁତି କରୁଛନ୍ତି। ଲ୍ୟାଣ୍ଡ ସ୍ଲାଇଡ୍ ଅଞ୍ଚଳ ଚିହ୍ନଟ କରି ପଦକ୍ଷେପ ନେବାକୁ ଜିଲ୍ଲା ପ୍ରଶାସନ କୁ ନିର୍ଦ୍ଦେଶ।ମତ୍ସ୍ୟଜୀବୀଙ୍କୁ ଫେରି ଆସିବାକୁ ନିର୍ଦ୍ଦେଶ ଦିଆଯାଇଛି।
ତେବେ ଆସନ୍ତାକାଲି ସ୍ଥିତି ଦେଖି ଅଫିସରଙ୍କ ଛୁଟି ବାତିଲ ନିଷ୍ପତ୍ତି ନିଆଯିବ । ସେହିଭଳି ସ୍ଥିତି ଦେଖି ସ୍କୁଲ କଲେଜ ଛୁଟି ନିଷ୍ପତି ହେବ। ଆଜି ସନ୍ଧ୍ୟାରେ ଜିଲ୍ଲା ପ୍ରଶାସନ ଗୁଡ଼ିକର ବୈଠକ ବସିବ।
