jmjnewso
ଭୁବନେଶ୍ୱର:(ସମୀର ରଞ୍ଜନ ନାୟକ) ରାଜ୍ୟରେ ଏକ ନୂତନ ଆଞ୍ଚଳିକ ମୁଣ୍ଡ ଟେକୁଥିବା ନେଇ ଚର୍ଚ୍ଚା ଜୋର୍ ଧରିଛି । ଏହି ଚର୍ଚ୍ଚା ମଧ୍ୟରେ ବିଜେଡ଼ି ବନ୍ଧୁ ମିଳନ ଭୋଜି ଆଉ ଏକ ପ୍ରସଙ୍ଗ ହୋଇଯାଇଛି । ବିଜେଡ଼ି ନେତୃତ୍ୱ ପାଇଁ ଅଙ୍କ କଷା ଚାଲିଥିବା ସନ୍ଦେହ କରାଯାଉଛି । କିନ୍ତୁ ଏହି ଭୋଜି ଭାତକୁ ଅନ୍ୟ ଅର୍ଥରେ ନ ନେବାକୁ କହିଛନ୍ତି ବିଧାୟକ ଅରୁଣ ସାହୁ । ରାଜ୍ୟ ଭଲ ସ୍ଥିତିରେ ନ ଥିବାରୁ ଏସବୁ ଚର୍ଚ୍ଚା ପ୍ରମୁଖ ସ୍ଥାନ ପାଉଛି ଏବଂ ଅସଲ ମୁଦ୍ଦା ଦୂରେଇ ଯାଉଛି ବୋଲି ଅରୁଣ କହିଛନ୍ତି ।ଆହୁରି କହିଛନ୍ତି- ସାମାଜିକ କାର୍ଯ୍ୟକ୍ରମ ଥିଲା। ଦଳ ତଥା ରାଜନୀତି ନେଇ କୌଣସି ଚର୍ଚ୍ଚା ଆଲୋଚନା ହୋଇନାହିଁ। ସେହି କାର୍ଯ୍ୟକ୍ରମରେ କେବଳ ପୂର୍ବତନ ବିଧାୟକମାନଙ୍କୁ ଡକା ଯାଇଥିଲା। ଆଜି ଉତ୍ତର ଓଡିଶା ଉତ୍ସବକୁ ନିମନ୍ତ୍ରଣ ପାଇଁ ଅରୁଣ ସାହୁଙ୍କ ବାସଭବନକୁ ଆସିଥିବା କହିଛନ୍ତି।ବିଜେଡି ବିଧାୟକ ଅରୁଣ ସାହୁ କହିଛନ୍ତି- ଭୋଜି କଲା ବେଳେ ନବୀନ ପଟ୍ଟନାୟକ ଜିନ୍ଦାବାଦ.. ବିଜୁ ପଟ୍ଟନାୟକ ଜିନ୍ଦାବାଦ ପକାଇଛନ୍ତି.. ଏଥିରେ ନୂଆ ସମୀକରଣ କଣ ? ସବୁ ବେଳେ ସବୁ ନେତୃତ୍ୱକୁ ଗୁରୁତ୍ୱ ଦେବାର ଆବଶ୍ୟକତା ଅଛି। ଯଦି ଯୁବ ନେତୃତ୍ୱ ଆଗକୁ ଆସିବା କଥା କହି ଥିବେ କିଏ କହିଥିବେ କିଛି ଭୁଲ କହି ନାହାନ୍ତି।ସେହିପରି ଭୁବନେଶ୍ୱର ଉପକଣ୍ଠରେ ୫୦ରୁ ଉର୍ଦ୍ଧ୍ଵ ପୂର୍ବତନ ବିଧାୟକ ଭୋଜି କରି ଦେଖାଇଥିଲେ ପାୱାର ଶୋ। ଯାହାକୁ ନେଇ ନୂଆ ସମୀକରଣ ନେଇ ଚର୍ଚ୍ଚା ହୋଇଥିଲା.
