jmjnewso
କୋଦଳା : ଜେଏମଜେ ନ୍ୟୁଜ: ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଳକର ଶରଧାପୁର ଓ କନିଆରିବାଡି ଠାରେ ୨ ଟି ଟ୍ରଫ୍ ଓ୍ବାଲ୍ ଲାଇନିଙ୍ଗ୍ ନିର୍ମାଣ ପାଇଁ ଭିତ୍ତି ପ୍ରସ୍ତର ସ୍ଥାପନ ହୋଇଛି। ଶନିବାର କବିସୂର୍ଯ୍ୟନଗର ବିଧାୟକ ପ୍ରତାପ ଚନ୍ଦ୍ର ନାୟକ ଯୋଗଦେଇ ଏହି ୨ ପ୍ରକଳ୍ପର ଶିଳାନ୍ୟାସ କରିଛନ୍ତି। ଶାଳିଆ ଜଳସେଚନ ପ୍ରକଳ୍ପ ଅନ୍ତର୍ଗତ ଶରଧାପୁର ଡିଷ୍ଟ୍ରିବ୍ୟୁଟାରୀ ଆରଡି ୧୦.୮୩ କିମି ଠାରୁ ୧୩.୦୮ କିମିର ଏସ୍ ଆଇ ପି ଓ୍ବାରଙ୍କି ଆରଡି ୧୧.୦୦ କିମି ଠାରୁ ୧୨.୦୭୫ କିମି ପର୍ଯ୍ୟନ୍ତ ଏହି ଟ୍ରଫ୍ ଓ୍ବାଲ୍ ଲାଇନିଙ୍ଗ୍ ନିର୍ମାଣ ହେବ। ଏଥିପାଇଁ ୧ କୋଟି ୬୦ ଲକ୍ଷ ୨୮ ହଜାର ଟଙ୍କା ବ୍ୟୟ ବରାଦ କରାଯାଇଛି। ସେହିପରି ଶାଳିଆ ଜଳସେଚନ ପ୍ରକଳ୍ପ ଅନ୍ତର୍ଗତ କନିଆରିବାଡି ଡିଷ୍ଟ୍ରିବ୍ୟୁଟାରୀ ଠାରୁ ଆରଡି ୦.୮୩ କିମି ରୁ ୨.୫୦ ର ଏସ୍ ଆଇପି ନିମନ୍ତେ ମଧ୍ୟ ଭିତ୍ତିପ୍ରସ୍ତର ସ୍ଥାପନ କରାଯାଇଛି। ଏଥିପାଇଁ ୧ କୋଟି ୫୩ ଲକ୍ଷ ୧୬ ହଜାର ଟଙ୍କା ବ୍ୟୟ ବରାଦ କରାଯାଇଛି।ପୂର୍ବରୁ ଶାଳିଆ ଜଳସେଚନ ପ୍ରକଳ୍ପ ଅନ୍ତର୍ଗତ ଏହି ୨ କେନାଲ ଗଳିଆ ରହୁଥିବା ବେଳେ ଏବେ କେନାଲ ଗୁଡିକୁ କଂକ୍ରିଟ୍ କରାଯାଇ ଉନ୍ନତି କରାଯିବ। ଯଦ୍ବାରା ଚାଷୀଙ୍କ ଚାଷ ଜମିରେ ସୁବିଧାରେ ପାଣି ପହଞ୍ଚି ପାରିବ। ଚାଷୀ ଭଲ ଫସଲ ଉତ୍ପାଦନ କରି ଆୟକୁ ଦ୍ବିଗୁଣିତ କରିପାରିବେ ବୋଲି କହିଛନ୍ତି ବିଧାୟକ ପ୍ରତାପ ଚନ୍ଦ୍ର ନାୟକ। ଏହି ଅବସରରେ ଅନ୍ୟମାନଙ୍କ ମଧ୍ୟରେ ଆସିଷ୍ଟାଣ୍ଡ ଏଜୁକେଟିଭ ଇଞ୍ଜିନିୟର ସୁରେନ୍ଦ୍ର କୁମାର ସାହୁ, ଏସଡିଓ
ବାଳକୃଷ୍ଣ ବିଷୋୟୀ, ବରିଷ୍ଠ ବିଜେପି ନେତା ମନୋଜ କୁମାର ପାଣ୍ଡି, ବୁରୁଝୁରୀ ସରପଞ୍ଚ ବିନୋଦ ଚନ୍ଦ୍ର ଜେନା, ସମିତି ସଭ୍ୟା ସୁଚିତ୍ରା ମହାନ୍ତି, ତାଳସର ସମିତି ସଭ୍ୟ ମାଧବ ରାଉତ, ପୂର୍ବତନ ଜିଲ୍ଲା ପରିଷଦ ଶରତ ଚନ୍ଦ୍ର ପାଣ୍ଡି, ଅଶୋକ ତାରେଣୀ, ମଣ୍ଡଳ ସଭାପତି ରାଜେନ୍ଦ୍ର ଭୂୟାଁଙ୍କ ସମେତ ବହୁ କର୍ମକର୍ତ୍ତା ମାନେ ଉପସ୍ଥିତ ଥିଲେ।
