jmjnewso
ବୌଦ୍ଧ: ଜେଏମଜେ ନ୍ୟୁଜ : (ପୂର୍ଣ୍ଣ ଚରଣ ସାହୁ )ବୌଦ୍ଧ ଜିଲ୍ଲା କଣ୍ଟାମାଳ ବ୍ଳକ ଘଣ୍ଟାପଡ଼ା ଶ୍ରୀ ରଘୁନାଥ ନାଟ୍ୟ ସଂସଦ ପକ୍ଷରୁ ଫାଲଗୁନ ପୂର୍ଣ୍ଣିମା ଉପଲକ୍ଷେ ଆୟୋଜିତ ୨୪ ପ୍ରହର ନାମଯଜ୍ଞ ନିମନ୍ତେ କଳସ ଶୋଭାଯାତ୍ରା ଅନୁଷ୍ଠିତ ହୋଇଯାଇଛି। ଗୁରୁବାର ଦିନ ପୂର୍ବାହ୍ନରେ ଗ୍ରାମର ଉପାସକ ଓ ଶ୍ରଦ୍ଧାଳୁ ମହିଳା ଏକ ବର୍ଣ୍ଣାଢ୍ୟ ପରିବେଶରେ ଘଣ୍ଟ ଶଙ୍ଖ, ହୁଳହୁଳି ଓ ସଂକୀର୍ତ୍ତନ ରେ ନିକଟସ୍ଥ ତେଲ ନଦୀର ସମଲେଶ୍ଵରୀ ଘାଟରେ ମା’ ଗଙ୍ଗାମାତାଙ୍କୁ ପୂଜାର୍ଚ୍ଚନା ପରେ ଜଳ ପୂର୍ଣ୍ଣ କଳସରେ ଗ୍ରାମ୍ୟ ପରିକ୍ରମା ପରେ ନାମଯଜ୍ଞ ମଣ୍ଡପରେ ସ୍ଥାପନ କରାଯାଇଥିଲା। ମଧ୍ୟରାତ୍ରରେ ଅଧିବାସ ପରେ ସକାଳୁ ମହାମନ୍ତ୍ର ନାମାରମ୍ଭ ହେବ ବୋଲି ପୂଜା କମିଟୀ ମ୍ୟାନେଜର ଆରତ ବାଇ ପ୍ରକାଶ କରିଛନ୍ତି। ଉକ୍ତ କଳସ ଯାତ୍ରାରେ ପୂଜକ ପଣ୍ଡିତ ମନୋଜ ପାଣିଗ୍ରାହୀ ପୂଜାକାର୍ଯ୍ୟ କରିଥିବା ବେଳେ ଗ୍ରାମର ଜମିଦାର ବସନ୍ତ ମାଝୀ ଓ ପତ୍ନୀ ଶ୍ରୀମତୀ ପୂର୍ଣ୍ଣମାସୀ ମାଝୀ କର୍ତ୍ତାକାର୍ଯ୍ୟ ତୁଲାଇଥିଲେ। ଗ୍ରାମର ସମସ୍ତ ଅଧିବାସୀ ସହଯୋଗ କରିଥିଲେ।
