jmjnewso
ଆଦିଲ୍ଲୀ :ଜେଏମଜେ ନ୍ୟୁଜ : ପୁର୍ନଗଠନ ହେବ ନେସନାଲ ଟେଷ୍ଟିଂ ଏଜେନ୍ସୀ। ସରକାରଙ୍କ ବଡ଼ ଯୋଜନା। ନିଟ୍ ପେପର ଲିକ୍ ଘଟଣାରେ ଛାତ୍ର ଆନ୍ଦୋଳନ ତୀବ୍ର ହେଲା ବେଳେ ୪୭ ଜଣ ଅଧିକାରୀଙ୍କୁ ବିଦା କରିଛନ୍ତି ସରକାର। NTA ଗଠନ ହେବା ପରଠାରୁ କେନ୍ଦ୍ର ସରକାର ଏଥିରେ ସବୁଠାରୁ ବଡ଼ ସଂସ୍କାର ଆରମ୍ଭ କରିଛନ୍ତି। ପରୀକ୍ଷା ପ୍ରଶ୍ନପତ୍ର ଲିକ୍ ନେଇ ବ୍ୟାପକ ବିରୋଧ ଏବଂ ବିବାଦ ପରେ ୪୭ ଜଣ ଅଧିକାରୀ ଓ କର୍ମଚାରୀଙ୍କୁ ହଟାଇ ଦିଆଯାଇଛି।ଶିକ୍ଷା ମନ୍ତ୍ରଣାଳୟ ସେମାନଙ୍କୁ ଚାକିରିରୁ ବାହାର କରିବାକୁ ନିର୍ଦ୍ଦେଶ ଦେଇଛି। ଏଥିମଧ୍ୟରୁ କେତେକ ବ୍ୟକ୍ତିଙ୍କ ବିରୋଧରେ ଆଇନଗତ ଏବଂ ଅପରାଧିକ ମାମଲା ରୁଜୁ କରିବାକୁ ପ୍ରସ୍ତୁତି ଚାଲିଥିବା ସୂଚନା ମିଳିଛି। ଜନସାଧାରଣଙ୍କ ବିଶ୍ୱାସ ଫେରାଇ ଆଣିବା ଏବଂ ଜାତୀୟ ପ୍ରବେଶିକା ପରୀକ୍ଷା ପାଇଁ ଏକ “ଲିକ୍ -ମୁକ୍ତ” ପରୀକ୍ଷା ବ୍ୟବସ୍ଥା ପ୍ରସ୍ତୁତ କରିବା ଏହି ପୁନର୍ଗଠନର ମୁଖ୍ୟ ଉଦ୍ଦେଶ୍ୟ। ଆଉଟସୋର୍ସିଂ ପ୍ରକ୍ରିୟାରେ ପରିବର୍ତ୍ତନ ହେବ।
ପରୀକ୍ଷାକୁ ଲିକ୍ ପ୍ରୁଫ୍ ପାଇଁ ସୁରକ୍ଷାକୁ କଡ଼ାକଡ଼ି କରିବା ଏବଂ ସ୍ୱଚ୍ଛତାକୁ ସୁନିଶ୍ଚିତ କରିବା ପାଇଁ ଏଜେନ୍ସିର ଆଉଟସୋର୍ସିଂ ପଦ୍ଧତିକୁ ସମ୍ପୂର୍ଣ୍ଣ ରୂପେ ବଦଳାଯିବ। NTA ର ଡାଟା ସୁରକ୍ଷା, ପରୀକ୍ଷା ପ୍ରକ୍ରିୟା ଏବଂ ଗଠନର ସମୀକ୍ଷା ପାଇଁ ଗଠିତ ଡକ୍ଟର କେ. ରାଧାକ୍ରିଷ୍ଣନଙ୍କ ନେତୃତ୍ୱରେ ଉଚ୍ଚସ୍ତରୀୟ କମିଟିର ରିପୋର୍ଟ ସହିତ ବିଶେଷଜ୍ଞଙ୍କ ସୁପାରିଶ ଆଧାରରେ ଏହି ସଂସ୍କାର କରାଯାଉଛି। ପ୍ରମୁଖ ପ୍ରତିଯୋଗିତାମୂଳକ ପରୀକ୍ଷାଗୁଡ଼ିକରେ ଥିବା ତ୍ରୁଟିଗୁଡ଼ିକୁ ସ୍ଥାୟୀ ଭାବରେ ସୁଧାରିବା ପାଇଁ କେନ୍ଦ୍ର ସରକାର ଆସନ୍ତା ମାସ ମଧ୍ୟରେ ଏହି ସମୟସୀମା ଭିତ୍ତିକ ସଂଶୋଧନ ଏବଂ ସାଙ୍ଗଠନିକ ସଂସ୍କାର କାର୍ଯ୍ୟକାରୀ କରୁଛନ୍ତି।
