ଛତ୍ରପୁର ପୌର ପରିଷଦ ଉପାଧ୍ୟକ୍ଷଙ୍କ ସହ ବିଜେଡି ଛାଡ଼ିଲେ ୧୦ କାଉନସିଲର

ଛତ୍ରପୁର : ଜେଏମଜେ ନ୍ୟୁଜ : ଗଞ୍ଜାମ ଛତ୍ରପୁରରେ ବିଜେଡିକୁ ବଡ଼ ଝଟକା । ଛତ୍ରପୁର ପୌର ପରିଷଦର ଉପାଧ୍ୟକ୍ଷଙ୍କ ସମେତ ୧୦ କାଉନସିଲର ଛାଡିଲେ ବିଜେଡି। ଆଜି ସମସ୍ତେ ବିଜେପିରେ ଯୋଗଦେବାକୁ ଯାଉଛନ୍ତି। ଛତ୍ରପୁର ସର୍କିଟ ହାଉସରୁ ବାହାରି ଏମାନେ ସମସ୍ତେ ଭୁବନେଶ୍ୱର ଅଭିମୁଖେ ଯାଇ ବିଜେପିରେ ସାମିଲ ହେବେ। ଛତ୍ରପୁର ପୌରପରିଷଦରେ ମୋଟ ୧୪ଟି ୱାର୍ଡ ରହିଛି।ପୂର୍ବରୁ ଏଠାରେ ୧୦ଟି ବିଜେଡି, ୩ଟି ବିଜେପି ଏବଂ ଜଣେ ସ୍ୱାଧୀନ କାଉନସିଲର ଥିଲେ। ପରେ ସ୍ୱାଧୀନ କାଉନସିଲର ଜଣକ ବିଜେଡିରେ ଯୋଗଦେଇଥିଲେ। ଯାହାକି ମୋଟ ୧୧ ଜଣ ହୋଇଥିଲେ। ଏହି ୧୧ ଜଣଙ୍କ ମଧ୍ୟରୁ ଏବେ ୧୦ ଜଣ କାଉନସିଲର ବିଜେଡି ଛାଡ଼ି ପଦ୍ମ ଶିବର ମୁହାଁ ହୋଇଛନ୍ତି। ଆଜି ସମସ୍ତେ ଭୁବନେଶ୍ୱର ରେ ଭାରତୀୟ ଜନତା ପାର୍ଟିରେ ଯୋଗ ଦେବେ।