jmjnewso
ନିମ୍ନମାନର ଫେଭର ବ୍ଲକ୍ କାମକୁ ବିରୋଧ କରିବାରୁ ନାଏବ ସରପଞ୍ଚ ଓ ତାଙ୍କ ଦୁଇ ପୁଅଙ୍କୁ ସଂଘବଦ୍ଧ ଆକ୍ରମଣ ଅଭିଯୋଗ । ଲୁହା ରଡ୍ ଓ ଠେଙ୍ଗାରେ ଆକ୍ରମଣରେ ୩ ଜଣ ଗୁରୁତର ଆହତ । ଘଟଣା ଘଟିଛି ଗଞ୍ଜାମ ଜିଲ୍ଲା ବେଗୁନିଆପଡ଼ା ଥାନା ଅନ୍ତର୍ଗତ ଅଙ୍ଗାରଗାଁ ପଞ୍ଚାୟତର ନୂଆଗଡ଼ ଗ୍ରାମରେ । ଅଭିଯୋଗ ଅନୁସାରେ, ନୂଆସାହିରେ ଚାଲିଥିବା ଫେଭର ବ୍ଲକ୍ ରାସ୍ତା କାମର ମାନକୁ ନେଇ ନାଏବ ସରପଞ୍ଚ ଓ ତାଙ୍କ ଦୁଇ ପୁଅ ପ୍ରତିବାଦ କରିବା ସହ ଫଟୋ ଉଠାଉଥିଲେ । ଏହାକୁ ନେଇ କିଛି ଯୁବକଙ୍କ ସହ ସେମାନଙ୍କର ବଚସା ହୋଇଥିଲା । ପରେ ଆକ୍ରମଣ ହୋଇଥିବା ଅଭିଯୋଗ ।
ଆହତ ୩ ଜଣଙ୍କୁ ପ୍ରଥମେ କୋଦଳା ମେଡିକାଲରେ ଭର୍ତ୍ତି କରାଯାଇଥିଲା । ଅବସ୍ଥା ଗୁରୁତର ଥିବାରୁ ସମସ୍ତଙ୍କୁ ବ୍ରହ୍ମପୁର MKCG ମେଡିକାଲକୁ ସ୍ଥାନାନ୍ତର କରାଯାଇଛି । ଘଟଣାକୁ ନେଇ ଅଞ୍ଚଳରେ ଚାପା ଉତ୍ତେଜନା ରହିଥିବା ଜଣାପଡ଼ିଛି। ଆକ୍ରମଣରେ ନାଏବ ସରପଞ୍ଚ ଅଭିମନ୍ୟୁ ମହାପାତ୍ର ଆହତ ହୋଇଥିବା ବେଳେ ତାଙ୍କର ୨ ପୁଅ ଶଂକର ମହାପାତ୍ର ଓ ପୂର୍ଣ୍ଣଚନ୍ଦ୍ର ମହାପାତ୍ର ମଧ୍ୟ ଆହତ ହୋଇଥିବା ଜଣାପଡିଛି। ନାଏବ ସରପଞ୍ଚ ବିଜୁ ଜନତା ଦଳର ସମର୍ଥକ ହୋଇଥିବା ବେଳେ ନୂଆଗଡ ଗ୍ରାମରେ ରାସ୍ତା କାମ କରୁଥିବା ବ୍ଯକ୍ତି ମାନେ ଭାରତୀୟ ଜନତା ପାର୍ଟିର।
