jmjnewso
ପୁରୁଷୋତ୍ତମପୁର : ଜେଏମଜେ ନ୍ୟୁଜ : ପୁରୁଷୋତ୍ତମପୁର ବ୍ଳକ୍ ଅନ୍ତର୍ଗତ ନେତ୍ରୋତ୍ସବ ଉଚ୍ଚ ବିଦ୍ୟାଳୟ ଚିଙ୍ଗୁଡ଼ି ଘାଇ ରେ ଏ-୧ ଗ୍ରେଡ ଆଶାୟୀ ଛାତ୍ରଛାତ୍ରୀଙ୍କ ଦୁଇ ଦିବସୀୟ ଦକ୍ଷତା ବୃଦ୍ଧି କର୍ମଶାଳା ୨୦୨୬ ଅନୁଷ୍ଠିତ ହୋଇଯାଇଛି।
ଗଞ୍ଜାମ ଜିଲ୍ଲା ଶିକ୍ଷାଧିକାରୀ ଓ ଅତିରିକ୍ତ ଶିକ୍ଷାଧିକାରୀ ଙ୍କ ମାର୍ଗଦର୍ଶନରେ ଆୟୋଜିତ କର୍ମଶାଳା ରେ ବ୍ଲକର ସମସ୍ତ ଗ୍ରାମ ପଞ୍ଚାୟତ ସ୍ଥିତ ୨୯ଗୋଟି ଉଚ୍ଚ ବିଦ୍ୟାଳୟରେ ୯୦ଜଣ ଏ-୧ ଗ୍ରେଡ ଏବଂ ଏ-୨ ଗ୍ରେଡ ଆଶାୟୀ ଛାତ୍ରଛାତ୍ରୀମାନେ ଯୋଗଦେଇଥିଲେ। କାର୍ଯ୍ୟକ୍ରମରେନୋଡାଲ ପ୍ରଧାନ ଶିକ୍ଷୟିତ୍ରୀ ପୂର୍ଣ୍ଣିମା ସର୍ଦ୍ଦାର, ଜିଲ୍ଲା ପର୍ଯ୍ୟବେକ୍ଷକ ପ୍ରଶାନ୍ତ କୁମାର ପରମ ଗୁରୁ ତଥା ବିଦ୍ୟାଳୟ ର ପ୍ରଧାନ ଶିକ୍ଷକ ବିଷ୍ଣୁ ପ୍ରସାଦ ମିଶ୍ର ଉପସ୍ଥିତ ରହି ଆଗାମୀ ମାଟ୍ରିକ ପରୀକ୍ଷାରେ ସର୍ବୋଚ୍ଚ ମାର୍କ ରଖି ପାସ ହେବାକୁ ଉପସ୍ଥିତ ଛାତ୍ରଛାତ୍ରୀମାନଙ୍କୁ ପରାମର୍ଶ ଦେବାସହ ସେମାନଙ୍କ ସଫଳତା ଶୁଭକାମନା କରିଥିଲେ।
ପ୍ରଥମ ଦିବସ ୧୩ ତାରିଖ ମଙ୍ଗଳବାର ଦିନ,ଗଣିତ,,ହିନ୍ଦୀ ଓ ସଂସ୍କୃତ ଭାଷା, ଜୀବ ବିଜ୍ଞାନ ଏବଂ ୧୪ ତାରିଖ ବୁଧବାର ଦିନ ଇ°ରାଜି,ଭୈତିକ ବିଜ୍ଞାନ, ,ଇତିହାସ ଓ ଭୂଗୋଳ ସହ ସମସ୍ତ ବିଷୟଗୁଡ଼ିକ ଉପରେ ପ୍ରଶିକ୍ଷଣ ଦିଆଯାଇଥିଲା। ୧୦ ଗୋଟି ଉଚ୍ଚ ବିଦ୍ୟାଳୟର ଶିକ୍ଷକ ଜଗବନ୍ଧୁ ଦଳେଇ,ଶିବରାମ ବେହେରା, ଦୁର୍ଗା ମାଧବ ପାଣି ଓ ଶିକ୍ଷୟତ୍ରୀ ମମତା ଆଚାର୍ଯ୍ୟ ପ୍ରମୁଖ ପ୍ରଶିକ୍ଷଣ ଦେଇଥିଲେ। ଦଶମ ଶ୍ରେଣୀ ଛାତ୍ରଛାତ୍ରୀଙ୍କ ପାଇଁ ଏଭଳି କର୍ମଶାଳାର ଯଥେଷ୍ଟ ଗୁରୁତ୍ୱ ରହିଛି। ଯାହା ଫଳରେ ଛାତ୍ରଛାତ୍ରୀଙ୍କ ଦକ୍ଷତା ବୃଦ୍ଧି ସହିତ ମନୋବଳ ବୃଦ୍ଧି ଦିଗରେ ବେଶ୍ ସହାୟକ ହୋଇପାରିବ ବୋଲି ସଚେତନ ନାଗରିକ ଓ ବୃଦ୍ଧିଜୀବି ମହଲରେ ଆଲୋଚିତ ହେଉଛି ।ଏହି କର୍ମଶାଳରେ ଶିକ୍ଷକ , ଶିକ୍ଷୟତ୍ରୀମାନେଓ କର୍ମଚାରୀ ସହଯୋଗ କରିଥିଲେ। କର୍ମଶାଳା ପ୍ରାରମ୍ଭରେ ପ୍ରଦୀପ ପ୍ରଜ୍ୱଳନ ପୂର୍ବକ କାର୍ଯ୍ୟକ୍ରମର ଶୁଭାରମ୍ଭ କରାଯାଇଥିଲା।
