admin
ଜେଏମଜେ ବ୍ୟୁରୋ : ଓଡିଶା ରାଜ୍ୟ ସଡ଼କ ପରିବହନ ନିଗମ (ଓଏସ୍ଆର୍ଟିସି) ବସ କୁ ମୁହଁ ମୋଡୁଛନ୍ତି ଯାତ୍ରୀ । ନିମ୍ନମାନର ସେବା ଓ ଅସ୍ୱାସ୍ଥ୍ୟକର ପରିବେଶ ଯୋଗୁ ଅଧିକାଂଶ ସମୟ ଖାଲି ପଡୁଛି ସିଟ୍ । ଗତ ୩ ବର୍ଷରେ ନିଗମ ପ୍ରାୟ ୩୧ କୋଟି ୪ ଲକ୍ଷ ୮୦ ହଜାର ଟଙ୍କା କ୍ଷତି ସହିଲାଣି ।
ଗତ ବିଧାନସଭା ଅଧିବେଶନରେ ପରିବହନ ମନ୍ତ୍ରୀ ବିଭୁତି ଭୂଷଣ ଜେନାଙ୍କ ପ୍ରଦତ୍ତ ତଥ୍ୟ ମୁତାବକ, ଗତ ଆର୍ଥିକ ବର୍ଷରେ ବସ୍ ଚଳାଚଳ ପାଇଁ ପ୍ରାୟ ୧୦୭ କୋଟି ଟଙ୍କା ଖର୍ଚ୍ଚ ହୋଇଥିଲା । କର୍ମଚାରୀଙ୍କ ଦରମା ଓ ଅନ୍ୟାନ୍ୟ ଆନୁଷଙ୍ଗିକ ଖର୍ଚ୍ଚ ମିଶିଲେ, ନିଗମ ପାଣ୍ଠିରୁ ୧୬୪ କୋଟି ଟଙ୍କା ବ୍ୟୟ କରାଗଲା । କିନ୍ତୁ ଯାତ୍ରୀ ଭଡ଼ା ବାବଦକୁ ରୋଜଗାର ହେଲା ମାତ୍ର ୧୧୦ କୋଟି ଟଙ୍କା । ଯାତ୍ରୀଙ୍କ ଲଗେଜ, ଠିକାଦାର ସେବା, ସିଟ୍ ସଂରକ୍ଷଣ ବାବଦକୁ ଆୟ ୧୪୬ କୋଟି ବି ଛୁଇଁଲାନି । ପାଖାପାଖି ୧୮ କୋଟି ଟଙ୍କା ପାଣିରେ ପଡିଲା । ତା’ ପୂର୍ବ ବର୍ଷ ନିଗମ ପାଣ୍ଠିରୁ ସମୁଦାୟ ୯୮ କୋଟି ଟଙ୍କା ଖର୍ଚ୍ଚ ହୋଇଥିଲା । ଯାତ୍ରୀଙ୍କଠାରୁ ମାତ୍ର ୬୩ କୋଟି ଟଙ୍କା ଭଡ଼ା ଆଦାୟ ହେଲା। ସର୍ବମୋଟ ୯୬ କୋଟିରେ ଆୟ ସୀମିତ ରହିଲା । ୨୦୨୦-୨୧ ମସିହାରେ ବସ୍ ଚଳାଚଳ, କର୍ମଚାରୀଙ୍କ ଦରମା ଓ ଅନ୍ୟାନ୍ୟ ଖର୍ଚ୍ଚ ୬୨ କୋଟି ଟଙ୍କା ଖର୍ଚ୍ଚ ହେଲା । କିନ୍ତୁ ମିଳିଲା ମାତ୍ର ୫୨ କୋଟି ଟଙ୍କା । ସିଧା ୧୦ କୋଟି କ୍ଷତି ସହିଲା ଓଏସ୍ଆର୍ଟିସି । ସେହିବର୍ଷ ଓଏସ୍ଆର୍ଟିସି ବସ୍ର ମରାମତି ବାବଦରେ ମୋଟ ୧ କୋଟି ୪ ଲକ୍ଷ ୯୫ ହଜାର ୧୪୪ ଟଙ୍କା ଖର୍ଚ୍ଚ ହୋଇଥିଲା । ସୂଚନାଯୋଗ୍ୟ, ରାଜ୍ୟର ମୋଟ ୨୬୧ଟି ରୁଟ୍ରେ ୭୦୪ଟି ଘରୋଇ ବସ୍ ଗଡୁଛି । ୭୪ଟି ରୁଟ୍ରେ ଓସ୍ଆର୍ଟିସି ବସ ଚାଲୁନି । ବ୍ରହ୍ମପୁରର ୧୦ଟି ରୁଟ୍ରେ ଯାତ୍ରୀମାନେ ଓଏସ୍ଆର୍ଟିସି ବସ୍ ସେବାରୁ ବଞ୍ଚିତ ହେଉଛନ୍ତି । ଭୁବନେଶ୍ୱରର ୯ଟି ରୁଟ ରେ ବସ୍ ଚଳାଚଳ କରୁନି।
jmjnewso
