jmjnewso
ଖଲିକୋଟ : ଜେଏମଜେ ନ୍ୟୁଜ : ଓଡିଶା ଗ୍ରାମୀଣ ବ୍ୟାଙ୍କ କହ୍ନେଇପୁର ଶାଖା ଆନୁକୂଲ୍ୟରେ କହ୍ନେଇପୁର ପଞ୍ଚାୟତ କାର୍ଯ୍ୟାଳୟ ପରିସରରେ ଏକ ଜନ ସୁରକ୍ଷା ଯୋଜନା ଅଧିନରେ ଗ୍ରାମ ପଞ୍ଚାୟତ ସ୍ତରୀୟ ପରିପୁର୍ତ୍ତି ଅଭିଯାନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି। ଆୟୋଜିତ କାର୍ଯ୍ୟକ୍ରମରେ ସ୍ଥାନୀୟ ସରପଞ୍ଚ ପ୍ରକାଶ ଚନ୍ଦ୍ର ସାସମଲ ମୂଖ୍ୟ ଅତିଥି ଭାବରେ ଯୋଗ ଦେଇଥିବା ବେଳେ ଭାରତୀୟ ରିଜର୍ଭ ବ୍ୟାଙ୍କର ଜେନେରାଲ ମ୍ୟାନେଜର ଶ୍ରୀମତୀ ଅମିତା ପଟ୍ଟନାୟକ ଓ ଆସିଷ୍ଟାଣ୍ଟ ଜେନେରାଲ ମ୍ୟାନେଜର ଶ୍ରୀ ରାହୁଲ କାନ୍ତ ଉକ୍ତ ବୈଠକରେ ଯୋଗ ଦେଇ ଲୋକ ମାନଙ୍କୁ ଭାରତ ସରକାରଙ୍କ ଦ୍ବାରା କାର୍ଯ୍ୟ କାରୀ କରାଯାଇଥିବା ବିଭିନ୍ନ ଯୋଜନା ଯେପରିକି ପ୍ରଧାନମନ୍ତ୍ରୀ ସୁରକ୍ଷା ବୀମା ଯୋଜନା,ପ୍ରଧାନମନ୍ତ୍ରୀ ଜୀବନ ଜ୍ୟୋତି ବୀମା ଯୋଜନା,ପ୍ରଧାନମନ୍ତ୍ରୀ ଜନଧନ ଯୋଜନା ଓ ଅଟଳ ପେନସନ ଯୋଜନାର ଉପାଦେୟତା ଓ ପୁନଃ କେ ଓ୍ବାଇ ସି ଦ୍ବାରା ଅଚଳ ହୋଇ ଯାଇଥିବା ବ୍ୟାଙ୍କ ଖାତାକୁ ଚଳନ୍ତି କରିବା ବିଷୟରେ ସବିଶେଷ ବିବରଣୀ ପ୍ରଦାନ କରିଥିଲେ। ଉକ୍ତ ବୈଠକରେ ଓଡିଶା ଗ୍ରାମୀଣ ବ୍ୟାଙ୍କର ଆଞ୍ଚଳିକ ପ୍ରବନ୍ଧକ ସନ୍ଦୀପ କୁମାର ପ୍ରଧାନ ଓ ଗଞ୍ଜାମ ଜିଲ୍ଲା ଲିଡ ବ୍ୟାଙ୍କ ମ୍ୟାନେଜର ହିମାଞ୍ଚଳ ସାହୁ ଲୋକ ମାନଙ୍କୁ ଉକ୍ତ ଯୋଜନାରେ ଅନ୍ତର୍ଭୁକ୍ତ ହେବା ନିମନ୍ତେ ପରାମର୍ଶ ଦେଇଥିଲେ।
ଅନ୍ୟ ମାନଙ୍କ ମଧ୍ୟରେ ଓଡିଶା ଗ୍ରାମୀଣ ବ୍ୟାଙ୍କର କହ୍ନେଇପୁର ଶାଖା ପରିଚାଳକ ଚିନ୍ମୟାନନ୍ଦ ବେହେରା,କେଶ୍ବରପୁର ଶାଖା ପରିଚାଳକ ବିଶ୍ବଜିତ ମହାନ୍ତି,କୋଦଳା ଶାଖା ପରିଚାଳକ ଶୁଭ୍ରାଂଶୁ ଆଚାର୍ଯ୍ୟ ଓ ସୌରା ସଚିନା ପରିଚାଳକ ଘନଶ୍ୟାମ ବଳ ଯୋଗ ଦେଇଥିଲେ। ସଭାକାର୍ଯ୍ୟ ପରିଚାଳନା କରିଥିଲେ ସୁଶ୍ରୀ ଲିମାଲି ରଥ। କହ୍ନେଇପୁର ପଞ୍ଚାୟତର ଦୁଇ ଶହରୁ ଉର୍ଦ୍ଧ୍ବ ପୁରୁଷ ଓ ମହିଳା ଯୋଗଦେଇ କାର୍ଯ୍ୟକ୍ରମକୁ ସଫଳ କରିବା ସହ ବିଭିନ୍ନ ଯୋଜନା ବିଷୟରେ ଜ୍ଞାନ ଅର୍ଜନ କରିଥିଲେ। ଓଡିଶା ଗ୍ରାମୀଣ ବ୍ୟାଙ୍କ ସୌରା ସଚିନା ଶାଖାର ଟି ତ୍ରିନାଥ ପାତ୍ରଙ୍କୁ PMJJBYଅଧିନରେ ମୃତ୍ୟୁ କାଳୀନ ବୀମା ରାଶି ଦୁଇ ଲକ୍ଷ ଟଙ୍କାର ଚେକ ଶ୍ରୀମତୀ ଅନୀତା ପଟ୍ଟନାୟକଙ୍କ ଦ୍ବାରା ପ୍ରଦାନ କରାଯାଇଥିଲା।
ଶ୍ରୀନିବାସ ସାହୁଙ୍କ ରିପୋର୍ଟ….
