jmjnewso
ଜେଏମଜେ ବ୍ୟୁରୋ : ଉପାନ୍ତରୁ ଉପକୂଳ, ଗାଁରୁ ସହର । ରାସ୍ତା ପାଲଟିଛି ଏବେ ମରଣଯନ୍ତା । ବର୍ଷା ଅସରାଏ ହେଲେ କଥା ସରିଲା । ଶୋଚନୀୟ ରାସ୍ତାକୁ ନେଇ ବିଧାନସଭାର ଷ୍ଟାଣ୍ଡିଂ କମିଟି ଉଦବେଗ ପ୍ରକାଶ କରିଥିବା ବେଳେ ପୂଜା ପୂର୍ବରୁ ଦ୍ବୈତନଗରୀରେ ରାସ୍ତା ମରାମତି ସାରିବାକୁ ନିର୍ଦ୍ଦେଶ ଦେଇଛନ୍ତି ମନ୍ତ୍ରୀ।
ରାସ୍ତା ଅବସ୍ଥା ଚାଲିବା ଯୋଗ୍ୟ ହୋଇନାହିଁ। କେବଳ ଗାଁ ଗହଳିର ରାସ୍ତାର ଅବସ୍ଥା ଏମିତି ଦୟନୀୟ ନୁହେଁ । ଟ୍ବିନସିଟି ଓ ରାଜ୍ୟର ଅନ୍ୟ ସହରର ରାସ୍ତା ମଧ୍ୟ ଏବେ ଶୋଚନୀୟ ହୋଇପଡିଛି । ଯିଏ ରାସ୍ତାକୁ ବାହାରୁଛି, ସିଏ ନିଜକୁ ନିନ୍ଦୁଛି । ଲୋକଙ୍କ ଅସନ୍ତୋଷ ଭିତରେ ରାସ୍ତାକୁ ପୁଣି ଚକାଚକ କରିବାକୁ ଅଣ୍ଟା ଭିଡ଼ିଛନ୍ତି ସରକାର । ପୂଜା ପୂର୍ବରୁ ରାସ୍ତାକାମ ସାରିବାକୁ ଡେଡଲାଇନ ଦେଇଛନ୍ତି ପୂର୍ତ୍ତ ମନ୍ତ୍ରୀ ପୃଥ୍ବୀରାଜ ହରିଚନ୍ଦନ।
