ବନ୍ଧାହେଲେ ମିଶନଶକ୍ତି ମହିଳା, ଗାଈ ନ କିଣି ସରକାରୀ ଟଙ୍କା ହଡ଼ପ ଅଭିଯୋଗରେ ବାନ୍ଧିଲା ଭିଜିଲାନ୍ସ

ଜେଏମଜେ ବ୍ୟୁରୋ : ସରକାରୀ ଟଙ୍କା ହଡପ କରି ହରଡଘଣାରେ ପଡିଛନ୍ତି ଏସଏଚଜି ମହିଳା । ଜଗତସିଂହପୁର ନାଉଗାଁ ଥାନା କୁରୁକି ଅଂଚଳରୁ ଏଭଳି ସମ୍ବେଦନଶୀଳ ଅଭିଯୋଗ ଆସିଛି । ଗାଈ କିଣା ଟଙ୍କା ହଡପ କରି ବନ୍ଧା ହୋଇଛନ୍ତି ଏସଏଚଜି ମହିଳା । ଘଟଣାରେ ୮ଜଣ ମହିଳାଙ୍କୁ ବାନ୍ଧିଛି ଭିଜିଲାନ୍ସ । ଭିଜିଲାନ୍ସର ଅଭିଯୋଗ ଅନୁସାରେ, ସ୍ବର୍ଣ୍ଣ ଜୟନ୍ତୀ ସ୍ବରୋଜଗୋର ଯୋଜନାରେ ଗାଈ କିଣିବାକୁ ଟଙ୍କା ନେଇଥିଲେ ଏସଏଚଜି ମହିଳା ଗ୍ରୁପ ।

କିନ୍ତୁ ଗାଇ ନ କିଣି ବାଟବଣା କରିଥିଲେ ଟଙ୍କା । ସଂପୃକ୍ତ ମହିଳାଙ୍କ ନାଁରେ ମାମଲା ହେବା ପରେ ବି ଦେଢବର୍ଷକାଳ ଗିରଫଦାରୀକୁ ଏଡାଇ ଭିଜିଲାନ୍ସକୁ ଚକମା ଦେଖାଉଥିଲେ । ଦୁର୍ନୀତି ନିବାରଣ ଆଇନ ଓ ଭାରତୀୟ ପିଙ୍ଗଳ କୋଡ ଅନୁଯାୟୀ ସେମାନଙ୍କ ବିରୋଧରେ ଚାର୍ଜସିଟ କରି କୋର୍ଟ ଫରୱାର୍ଡ କରିଥିଲା ଭିଜିଲାନ୍ସ ।