jmjnewso
ଜେଏମଜେ ବ୍ୟୁରୋ : ଦୁର୍ଗାପୂଜା ପୂର୍ବରୁ ସଜଡ଼ାଯିବ ସହରାଞ୍ଚଳର ସମସ୍ତ ଖାଲ ଖମା ରାସ୍ତା। ଏନେଇ ବିଭାଗ ପ୍ରସ୍ତୁତ ରହିଥିବା ନଗର ଉନ୍ନୟନ ମନ୍ତ୍ରୀଙ୍କ ସୂଚନା। ମୁକୁଳା ଡ୍ରେନ କାମ ତୁରନ୍ତ ସାରିବାକୁ ମୁଖ୍ୟମନ୍ତ୍ରୀଙ୍କ ନିର୍ଦ୍ଦେଶ ।
ଦୁର୍ଗାପୂଜା ପୂର୍ବରୁ ସଜଡ଼ାଯିବ ସହରାଞ୍ଚଳର ସମସ୍ତ ଖାଲ ଖମା ରାସ୍ତା । ଏନେଇ ବିଭାଗ ପ୍ରସ୍ତୁତ ରହିଥିବା ସୂଚନା ଦେଇଛନ୍ତି ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର । ସମସ୍ତ ଖାଲ ଖମା ରାସ୍ତା ସଜାଡ଼ିବା ପାଇଁ ମୁଖ୍ୟମନ୍ତ୍ରୀଙ୍କର ମଧ୍ୟ ନିର୍ଦ୍ଦେଶ ରହିଛି । PWD, RD ଏବଂ ନଗର ଉନ୍ନୟନ ବିଭାଗ ସଜାଗ ଅଛି ବୋଲି ନଗର ଉନ୍ନୟନ ମନ୍ତ୍ରୀ କହିଛନ୍ତି ।ସେହିପରି ସେ ଆହୁରି କହିଛନ୍ତି, ମୁକୁଳା ଡ୍ରେନ୍ ତୁରନ୍ତ କାମ କରିବାକୁ ମଧ୍ୟ ମୁଖ୍ୟମନ୍ତ୍ରୀ ନିର୍ଦ୍ଦେଶ ଦେଇଛନ୍ତି । ସେ ଉପରେ କାମ ଚାଲିଛି । ପୂର୍ବରୁ ବିଭାଗରେ ସମନ୍ୱୟ ନ ଥିଲା । ଏବେ କିନ୍ତୁ ସମସ୍ତ ବିଭାଗ ସହ ସମନ୍ୱୟ ରଖି ଲୋକଙ୍କ ସେବା ପାଇଁ କାମ କରାଯାଉଛି ବୋଲି ନଗର ଉନ୍ନୟନ ମନ୍ତ୍ରୀ କୃଷ୍ଣଚନ୍ଦ୍ର ମହାପାତ୍ର ସୂଚନା ଦେଇଛନ୍ତି ।
