jmjnewso
ଜେଏମଜେ ବ୍ୟୁରୋ : ଚାଲିଗଲେ ଚାରି ଚାରି ଥରର ବିଧାୟକ । ସୁନ୍ଦରଗଡ଼ ଜିଲ୍ଲା ବୀରମିତ୍ରପୁରର ପୂର୍ବତନ ବିଧାୟକ ତଥା ଆଦିବାସୀ ନେତା ଜର୍ଜ ତିର୍କୀ ଆଉ ନାହାନ୍ତି । ୬୮ ବର୍ଷ ବୟସରେ ଭୁବନେଶ୍ଵରର ଏକ ଘରୋଇ ହସ୍ପିଟାଲ୍ରେ ଆଖି ବୁଜିଛନ୍ତି ଜର୍ଜ ତିର୍କୀ । ତାଙ୍କ ବିୟୋଗରେ ସୁନ୍ଦରଗଡ଼ ଜିଲ୍ଲାରେ ଶୋକର ଛାୟା ଖେଳି ଯାଇଛି । ଝାଡ଼ଖଣ୍ଡ ମୁକ୍ତି ମୋର୍ଚ୍ଚ (JMM) ଟିକେଟ୍ରେ ୧୯୯୫ରେ ପ୍ରଥମଥର ବିଧାୟକ ନିର୍ବାଚିତ ହୋଇଥିଲେ ଜର୍ଜ ତିର୍କୀ । ୨୦୦୦ ମସିହାରେ ବି ଜେଏମ୍ଏମ୍ ଟିକେଟ୍ରେ ଲଢ଼ି ଦ୍ଵିତୀୟଥର ବୀରମିତ୍ରପୁର ଆସନରୁ ବିଧାୟକ ହୋଇଥିଲେ । ୨୦୦୨ରେ ବିଜେଡିରେ ଯୋଗ ଦେଇଥିଲେ, ହେଲେ ଦଳ ୨୦୦୪ରେ ତାଙ୍କୁ ପ୍ରାର୍ଥୀ ନ କରିବାରୁ ସେ ବିଜେଡି ଛାଡ଼ି ଦେଇଥିଲେ ।
୨୦୦୯ ସାଧାରଣ ନିର୍ବାଚନରେ ସ୍ଵାଧୀନ ପ୍ରାର୍ଥୀ ଭାବେ ବୀରମିତ୍ରପୁର ଆସନରୁ ଲଢ଼ି ତୃତୀୟ ଥର ବିଧାୟକ ହୋଇଥିଲେ ଜର୍ଜ ତିର୍କୀ । ଏହା ପରେ ୨୦୧୪ରେ ନିଜେ ସମତା କ୍ରାନ୍ତି ଦଳ ଗଢ଼ିବା ସହ ବୀରମିତ୍ରପୁର ଆସନରୁ ଚତୁର୍ଥଥର ପାଇଁ ଜିତି ବିଧାନସଭାକୁ ଯାଇଥିଲେ । ଏହାପରେ ୨୦୧୮ରେ କଂଗ୍ରେସରେ ଯୋଗ ଦେଇଥିଲେ । ୨୦୧୯ ନିର୍ବାଚନରେ କଂଗ୍ରେସ ଟିକେଟ୍ରେ ସୁନ୍ଦରଗଡ଼ ଲୋକସଭା ଆସନରୁ ପ୍ରାର୍ଥୀ ହୋଇ ପରାଜୟ ବରଣ କରିଥିଲେ ।
