jmjnewso
ଢେଙ୍କାନାଳ : (ଜେଏମଜେ ନ୍ୟୁଜ ) : ମା ବୁଢା ବୁଢୀ ଠାକୁରାଣୀଙ୍କ ବିଗ୍ରହ ସ୍ଥାପନା l କଟକ ଜିଲ୍ଲା ନରସିଂହପୁର ବ୍ଲକ ଅନ୍ତର୍ଗତ ଦେବ ଭୂଇଁ ପଞ୍ଚାୟତ ର ପୁଛୁଳି ଘାଟି ଠାରେ ଅବହେଳିତ ହୋଇ ଖୋଲା ଆକାଶ ତଳେ ରହୁଥିବା ମା ବୁଢା ବୁଢୀ ଠାକୁରାଣୀଙ୍କୁ ମନ୍ଦିର ଭିତରେ ସ୍ଥାପନା ନିମନ୍ତେ ସେହି ଅଞ୍ଚଳର ଗରିବ ଦୁଃଖୀ,ରଙ୍କି ଙ୍କ ଆଗ୍ରହ କ୍ରମେ ମା ଙ୍କ ସେବାରେ ଢେଙ୍କାନାଳ ଜିଲ୍ଲା ହିନ୍ଦୋଳ ଉପଖଣ୍ଡର ଉପଖଣ୍ଡ ଆରକ୍ଷୀ ଅଧିକ୍ଷକ ସତ୍ୟ କୁମାର ନନ୍ଦ ସେମାନଙ୍କ ସହଯୋଗରେ ସହ ଭାଗିତା ହୋଇ ମା ଙ୍କ ଆସ୍ଥାନ ନିମନ୍ତେ ସହଯୋଗ କରିଥିଲେ l ମା ବୁଢା ବୁଢୀ ଠାକୁରାଣୀଙ୍କ ସ୍ଥାପନା ପାଇଁ ୨/୧୦/୨୦୨୫ ତାରିଖ ଦିନ ବିଜୟା ଦଶମୀ ରେ ମା ଙ୍କ ବିଗ୍ରହ ମାନଙ୍କୁ ଗଙ୍ଗା ଜଳ ଓ କ୍ଷୀରରେ ଧୋଇ ପୂଜକ ଓ ସେବାୟତ ମାନଙ୍କ ଦ୍ଵାରା ରୀତି ନୀତି ଅନୁଯାୟୀ ପୂଜା ଅର୍ଚ୍ଚନା କରାଯାଇ ମନ୍ଦିର ଭିତରକୁ ଅଣାଯାଇ ସ୍ଥାପନା କରଯାଇଥିଲା l ଏହି ବିଗ୍ରହ ସ୍ଥାପନା କାର୍ଯ୍ୟକ୍ରମରେ ମନ୍ଦିର ପୂଜକ ଦ୍ଵାରା ମା ଙ୍କୁ ବସ୍ତ୍ର ପରିଧାନ କରାଇ ସୌନ୍ଦର୍ଯ୍ୟ ବେଶ ରେ ଭୂଷିତ କରାଯାଇଥିଲା l ମା ବୁଢା ବୁଢୀ ଠାକୁରାଣୀଙ୍କ ବିଗ୍ରହ ସ୍ଥାପନା କାର୍ଯ୍ୟକ୍ରମରେ ସଂଗ୍ରାମ କେଶରୀ ବେହେରାଙ୍କ ଉଦ୍ୟମ ଏବଂ ଦେବ ଭୂଇଁ ଗ୍ରାମର ଗ୍ରାମବାସୀ ଙ୍କ ସହଯୋଗ ଥିବାରୁ ସମସ୍ତେ ଆନନ୍ଦ ମନରେ ମା ଙ୍କ ସେବାରେ ନିୟୋଜିତ କରିଥିଲେ l ଏହି କାର୍ଯ୍ୟ କ୍ରମରେ କମଣ୍ଡଳଇ ସଙ୍କୀର୍ତ୍ତନ ମଣ୍ଡଳୀ ଓ ଦେଭୁଇଁ ସଙ୍କୀର୍ତ୍ତନ ମଣ୍ଡଳୀ ଦ୍ୱାରା ମା ଙ୍କ ପାଖରେ ସଙ୍କୀର୍ତ୍ତନ କରାଯାଇଥିଲା ଓ ସମସ୍ତ ଭକ୍ତ ମାନଙ୍କ ପାଇଁ ପ୍ରସାଦ ସେବନର ବ୍ୟବସ୍ଥା କରାଯାଇଥିଲା l
ଢେଙ୍କାନାଳ ଜିଲ୍ଲା ପ୍ରତିନିଧି ସନ୍ତୋଷ କୁମାର ମହାପାତ୍ରଙ୍କ ରିପୋର୍ଟ
