jmjnewso
ହିନ୍ଦୀ ସିନେମାର ବରିଷ୍ଠ, ଭର୍ସାଟାଇଲ୍ ଅଭିନେତା ଗୋବର୍ଦ୍ଧନ ଅସରାନିଙ୍କ ମୃତ୍ୟୁ ହୋଇଛି । ଦୀର୍ଘ ଦିନରୁ ଅସୁସ୍ଥ ଥିବା ଅସରାନି ସୋମବାର ଦୀପାବଳି ଦିନ ୪ଟାରେ ଆଖି ବୁଜିଛନ୍ତି ।
ଜେଏମଜେ ବ୍ୟୁରୋ : ସମସ୍ତଙ୍କୁ ହସାଉଥିଲେ । ତାଙ୍କ ହସ ହସ ମୁହଁ ସମସ୍ତଙ୍କୁ ମତୁଆଲା କରୁଥିଲା । ବଲିଉଡ୍ର ବିଶିଷ୍ଟ କମେଡିଆନ୍ ଏବଂ ସହ କଳାକାର ଭାବେ ପ୍ରସିଦ୍ଧି ପାଇଥିଲେ । ଅନେକ ହିନ୍ଦୀ ଫିଲ୍ମର ସେ ଥିଲେ ମେରୁଦଣ୍ଡ । ଆଉ ଦୀପାବଳିରେ ସେ ଆଖି ବୁଜିଛନ୍ତି । ୮୪ ବର୍ଷ ବୟସରେ ଅଭିନେତା ଗୋବର୍ଦ୍ଧନ ଅସରାନିଙ୍କ ପରଲୋକ ଘଟିଛି ।
ହିନ୍ଦୀ ସିନେମାର ବରିଷ୍ଠ, ଭର୍ସାଟାଇଲ୍ ଅଭିନେତା ଗୋବର୍ଦ୍ଧନ ଅସରାନିଙ୍କ ମୃତ୍ୟୁ ହୋଇଛି । ଦୀର୍ଘ ଦିନରୁ ଅସୁସ୍ଥ ଥିବା ଅସରାନି ସୋମବାର ଦୀପାବଳି ଦିନ ୪ଟାରେ ଆଖି ବୁଜିଛନ୍ତି । ରାଜସ୍ଥାନ ଜୟପୁରରେ ଜନ୍ମିତ ଅସରାନି ୫ ଦଶନ୍ଧି ଧରି ବଲିଉଡ୍ରେ ରାଜ୍ କରିଥିଲେ ।ପ୍ରାୟ ୩୫୦ଟିରୁ ଅଧିକ ଚଳଚ୍ଚିତ୍ରରେ ଦେଖିବାକୁ ମିଳିଥିଲା ଅସରାନିଙ୍କ ଅଭିନୟର ଯାଦୁ । ୧୯୭୦ ଦଶନ୍ଧି ଥିଲା ଅସରାନଙ୍କ ଯୁଗ । ସେତେବେଳେ ସେ ଥିଲେ ଲୋକପ୍ରିୟ କଲାକାର । ‘ମେରେ ଅପନେ’, ‘କୋଶିସ୍’, ‘ପରିଚୟ’, ‘ଅଭିମାନ’, ‘ଚୁପ୍କେ ଚୁପ୍କେ’, ‘ଛୋଟି ସି ବାତ’, ‘ରଘୁ ଚକ୍କର’ ଆଦି ଫିଲ୍ମରେ ତାଙ୍କ ଭୂମିକା ଗୁରୁତ୍ଵପୂର୍ଣ୍ଣ ରହିଥିଲା । ଅଭିନୟ ସହ ସେ କିଛି ଫିଲ୍ମର ନିର୍ଦ୍ଦେଶନା ଦେବା ସହ କାହାଣୀ ମଧ୍ୟ ଲେଖିଥିଲେ ।
