jmjnewso
ଭୁବନେଶ୍ୱର:(ଜେଏମଜେ ବ୍ୟୁରୋ): ଓଡ଼ିଆ ଲୋକପ୍ରିୟ ଅଭିନେତା ଅଶ୍ରୁମୋଚନ ମହାନ୍ତିଙ୍କ କାର ଦୁର୍ଘଟଣାଗ୍ରସ୍ତ । କାର ସାମ୍ନାକୁ କୁକୁରୁ ଆସିଯିବାରୁ ନିୟନ୍ତ୍ରଣ ହରାଇ କେନାଲ ଭିତରକୁ ଖସିଲା ଗାଡ଼ି । ଫଳରେ ଅଳ୍ପକେ ବର୍ତ୍ତିଛନ୍ତି ଅଭିନେତା । ବର୍ତ୍ତମାନ କାରଟିକୁ ସେଠାରୁ କ୍ରେନ ଯୋଗେ କଢ଼ାଯାଇଛି । ଏନେଇ ପ୍ରତ୍ୟକ୍ଷଦର୍ଶୀଙ୍କ ବୟାନ ସାମ୍ନାକୁ ଆସିଛି । ଅଭିନେତା ସୁସ୍ଥ ଥିବା ସେ ପ୍ରତିକ୍ରିୟା ଦେଇଛନ୍ତି ।
ଯାହା ସୂଚନା ମିଳିଛି, ଭୁବନେଶ୍ୱର କଳାଝରି ସାଇପନ ଦୟା ୱେଷ୍ଟ କେନାଲ ନିକଟରେ ଅଶ୍ରୁମୋଚନଙ୍କ କାର ଦୁର୍ଘଟଣାଗ୍ରସ୍ତ ହୋଇଛି । ଅଶ୍ରୁ୍ମୋଚନ ଆଜି ସକାଳେ କଟକରୁ ସୁଟିଂ ସାରି କଳାରାହଙ୍ଗ ସ୍ଥିତ ବାସଭବନକୁ କେନାଲ ରୋଡ୍ ବାଟ ଦେଇ ଫେରୁଥିବା ବେଳେ ହଠାତ୍ କୁକୁର ସାମ୍ନାକୁ ଆସିଥିଲେ । ଫଳରେ ନିୟନ୍ତ୍ରଣ ହରାଇ କାରଟି ପଟିଆ ନୂଆ ରେଳ ଷ୍ଟେସନ ପାଖ କେନାଲକୁ ଖସିଯାଇଥିଲା। କେନାଲରେ ପାଣି କମ ଥିବାରୁ ବଡ ଅଘଟଣରୁ ବର୍ତ୍ତିଯାଇଛନ୍ତି ଅଭିନେତା ଅଶ୍ରୁମୋଚନ । ପରେ କ୍ରେନ ସାହାଯ୍ୟରେ କାରଟିକୁ ଉପରକୁ ଆଣିଥିଲା ସୂଚନା ଅନୁଯାୟୀ କାରର ବେଶୀ କ୍ଷତି ହୋଇନଥିବା ଜଣାପଡିଛି ।
