jmjnewso
ପାତ୍ରପୁର, (ଜେଏମଜେ ନ୍ୟୁଜ): ପାତ୍ରପୁର ବ୍ଲକର ବିଭିନ୍ନ ଗ୍ରାମରେ ମଙ୍ଗଳବାର ତିନିଟି ପ୍ରକଳ୍ପର ଉଦ୍ଘାଟନ ଓ ଶିଳାନ୍ୟାସ କରିଛନ୍ତି ଚିକିଟି ବିଧାୟକ ମନୋରଞ୍ଜନ ଦ୍ୟାନ ସାମନ୍ତରା କରିଛନ୍ତି । ପ୍ରଥମେ ପଦାଦିଗି ଗ୍ରାମରେ ବିଧାୟକ ଓ ସାଂସଦ ପ୍ରତିନିଧି ମୀନା ଦ୍ୟାନ ସାମନ୍ତରା, ପାତ୍ରପୁର ବ୍ଲକ୍ ଅଧ୍ୟକ୍ଷା ୱାଇ. ସଂଯୁକ୍ତା, ଉପାଧ୍ୟକ୍ଷ ଅନାଦି ଚରଣ ପଣ୍ଡିତ ପ୍ରମୁଖ ପହଂଚିବା ପାରେ ଗ୍ରାମବାସିଙ୍କ ପକ୍ଷରୁ ବାଣ ଫୁଟାଇ, ବାଜା ବଜାଇ ଭବ୍ୟ ସ୍ୱାଗତ କରାଯାଇଥିଲା ।
ପରେ ପଦାଦିଗି ଗ୍ରାମର ବଗି ନାଳ ଉପରେ ସେତୁ ଉଦ୍ଘାଟନ କରିଥିବା ବେଳେ ଖରଣୀପଡା ହାଇସ୍କୁଲ ରାସ୍ତାର ଶିଳାନ୍ୟାସ ପକାଇଛନ୍ତି । ସେହିଭଳି ଅପରାହ୍ନରେ ପୂର୍ତ୍ତ ରାସ୍ତା ଠାରୁ ମହୁଲପଡା ଗ୍ରାମକୁ ରାସ୍ତା ନିର୍ମାଣ ପାଇଁ ଭିତ୍ତିପ୍ରସ୍ତର ଦେଇଛନ୍ତି । ଉକ୍ତ କାର୍ଯ୍ୟକ୍ରମ ବିଭାଗୀୟ ଅଧିକାରୀ ସମ୍ବିତ କୁମାର ଜେନା, କନିଷ୍ଠ ଯନ୍ତ୍ରୀ ପିତବାସ ନାୟକଙ୍କ ସମେତ ସରପଞ୍ଚ ଏନ. ତ୍ରିପତି, ଗୌରାଙ୍ଗ ପ୍ରଧାନ, ଅଶୋକ ପଣ୍ଡା, ଶିବାନନ୍ଦ ଆଚାରୀଙ୍କ ସହ ଶତାଧିକ ନେତା ଓ କର୍ମୀ ଉପସ୍ଥିତ ଥିଲେ ।
ତପେନ୍ଦ୍ର ଡାକୁଆଙ୍କ ରିପୋର୍ଟ jmj ନ୍ୟୁଜ
