jmjnewso
ଭୁବନେଶ୍ୱର:ଜେଏମଜେ ନ୍ୟୁଜ (ସମୀର ରଞ୍ଜନ ନାୟକ )କଂଗ୍ରେସର କେନ୍ଦ୍ରୀୟ ନେତା କଥା ହେବା ପରେ ମହମ୍ମଦ ମୋକିମଙ୍କର ଆସିଲା ପ୍ରତିକ୍ରିୟା। ମୋକିମ କହିଛନ୍ତି, ‘କିଛି କେନ୍ଦ୍ରୀୟ ନେତା ମୋ ସହ କଥା ହୋଇଛନ୍ତି। ମୁଁ ଯାହା ଚିଠିରେ ଲେଖିଥିଲି ସେ ବାବଦରେ ପଚାରି ବୁଝିଛନ୍ତି। ରାଜ୍ୟ କଂଗ୍ରେସର ସ୍ଥିତି ବାବଦରେ ମୋତେ ପଚାରିଛନ୍ତି। ମୋ ଚିଠିର ପ୍ରଭାବ ପଡିଛି, ଆଶା କରୁଛି ତର୍ଜମା କରାଯିବ। କଂଗ୍ରେସ ଦଳର ସ୍ଥିତିରେ ପରିବର୍ତ୍ତନ ହେବ। ମୁଁ ରାଜନୀତି କରୁଛି, ଆଗାମୀ ଦିନରେ କରିବି। ଖୁବ କମ୍ ଦିନ ଭିତରେ ନିଷ୍ପତ୍ତି ଜଣାଇବି।’କଂଗ୍ରେସ ଦଳର ସ୍ଥିତିରେ ପରିବର୍ତ୍ତନ ହେବ । ସେହିପରି ରାଜନୀତି କରୁଛି, ଆଗାମୀ ଦିନରେ ରାଜନୀତି ଜାରି ରଖିବେ । ଖୁବ କମ୍ ଦିନ ଭିତରେ ନିଷ୍ପତ୍ତି ଜଣାଇବେ ବୋଲି ମୋକିମ କହିଛନ୍ତି । ସିଡବ୍ଲ୍ୟୁସି ସଦସ୍ୟ ଜୟରାମ ରମେଶ ଓ ପବନ ଖେରା ମୋକିମଙ୍କ ସହ କଥା ହୋଇଥିଲେ । ପୂର୍ବରୁ ରାଜ୍ୟ ବ୍ୟାପାର ବୁଝୁଥିବା ପ୍ରଭାରୀ ମଧ୍ୟ କଥା ହୋଇଛନ୍ତି । ତେବେ ମୋକିମ କାହିଁକି ଏପରି ଚିଠି ଲେଖିଲେ, ଏହାର ପ୍ରକୃତ କାରଣ କଣ ପଚାରିଥିଲେ । ରାଜ୍ୟ କଂଗ୍ରେସ ସଭାପତିଙ୍କ ସହ ବିବାଦ କ’ଣ ରହିଛି ବୋଲି ପଚାରି ବୁଝିଛନ୍ତି କେନ୍ଦ୍ରୀୟ ନେତା। କେବଳ ସେତିକି ନୁହେଁ ଏଆଇସିସି ଓ ରାହୁଲ ଗାନ୍ଧିଙ୍କ ବାବଦରେ ଲେଖିବା କଥା ମଧ୍ୟ ପଚାରି ବୁଝିଛନ୍ତି। ଗଣମାଧ୍ୟମକୁ ଯିବା ନେଇ ମଧ୍ୟ ପଚରାଉଚରା କରିଥିବା ସୂଚନା ମିଳିଛି।ଏହା ପୂର୍ବରୁ ସୋଫିଆ କହିଛନ୍ତି କଟକରେ ଯେମିତି ଚାଲିଥିଲା ଦଳ ସେମିତି ଚାଲିବ । ବିଧାୟିକା ହିସାବରେ ଲୋକଙ୍କର ସେବା କରିବା ପାଇଁ ଆମେ ଅଛୁ । ଆଗକୁ ବି ପ୍ରସ୍ତୁତ ରହିବୁ। ସେପଟେ ମୋକିମଙ୍କ ସପକ୍ଷରେ ବାହାରିଛନ୍ତି ବରିଷ୍ଠ କଂଗ୍ରେସ ନେତା ନୃରସିଂହ ମିଶ୍ର । କହିଛନ୍ତି ମୋକିମଙ୍କୁ କଂଗ୍ରେସରୁବିହିଷ୍କାର କରିବା ଦଳ ପାଇଁ କ୍ଷତିକାରକ । ଏପରି କି ମୋକିମ କିଏ ବୋଲି ଭକ୍ତ ଦାସ କରିଥିବା ପ୍ରଶ୍ନକୁ ମଧ୍ୟ ସେ ସମାଲୋଚନା କରିଛନ୍ତି । କହିଛନ୍ତି ଏଭଳି ମନ୍ତବ୍ୟ ଦେବା ଦେବା ଉଚିତ ନୁହେଁ । ମୋକିମଙ୍କୁ କଂଗ୍ରେସରୁ ବହିସ୍କୃତ କରିବା କଂଗ୍ରେସ ପାଇଁ କ୍ଷତି କାରକ ବୋଲି କହିଛନ୍ତି ନରସିଂହ ମିଶ୍ର ।
ସେପଟେ ସବୁ ନେତାଙ୍କୁ ହାତ ଯୋଡ଼ି ପିସିସି ସଭାପତି ଭକ୍ତ ଦାସ ଅନୁରୋଧ କରିଛନ୍ତି ଯେ, ଦଳରେ ଯେଉଁମାନେ ଅଛନ୍ତି ସମସ୍ତେ ଦଳକୁ ଆଗେଇ ନିଅନ୍ତୁ। ଦଳର କାର୍ଯ୍ୟକ୍ରମରେ ସାମିଲ ହୁଅନ୍ତୁ । ଦଳକୁ ଆଗକୁ ନେବା ସହିତ ସେମାନେ ଆଗକୁ ବଢନ୍ତୁ । କାହା ପ୍ରରୋଚନାରେ ପଡ଼ି ଦଳରେ ବିଶୃଙ୍ଖଳା କରନ୍ତୁ ନାହିଁ। ସେପଟେ ମୋକିମଙ୍କୁ ମନେଇବା ପାଇଁ ଦିଲ୍ଲୀରୁ ଏକାଧିକ କଂଗ୍ରେସ ନେତାଙ୍କ ଫୋନ୍ ଆସିଥିବା ଚର୍ଚ୍ଚା ହେଉଛି ।
