jmjnewso
କରଞ୍ଜିଆ-ଜେଏମଜେ ନ୍ୟୁଜ: ( ଜିତେନ୍ଦ୍ର ରାଜ): ମୟୁରଭଞ୍ଜ ଜିଲ୍ଲା କରଞ୍ଜିଆ ବ୍ଲକ ବୀରଯଦୁନାଥପୁର ପୁଣ୍ୟତୟା ବୈତରଣୀ ନଈ କୂଳରେ ମୟୂରଭଞ୍ଜ ଭଞ୍ଜ ଭୂମି ପାଲାକାର ସଂଘ ର ସାଧାରଣ ପରିଷଦ ବୈଠକ ଅନୁଷ୍ଠିତ ହୋଇଯାଇଛି। ସଭାପତି ଡ଼ଃ ସୁଧାଂଶୁ ଶେଖର ଗିରି ଙ୍କ ସଭାପତିତ୍ୱ ରେ ଅନୁଷ୍ଠିତ ଏହି ବୈଠକ ରେ ଉପ- ସଭାପତି ଶୁଶିଲ ଚନ୍ଦ୍ର ମହାରଣା,ଟ୍ରଷ୍ଟ ବୋର୍ଡ ର ଅଧ୍ୟକ୍ଷ ସୁବାସ ଚନ୍ଦ୍ର ପଣ୍ଡା, ସାଧାରଣ ସମ୍ପାଦକ ଉମେଶ ଚନ୍ଦ୍ର ବେହେରା,ସହ- ସମ୍ପାଦକ ବସନ୍ତ କୁମାର ଦାଶ କୋଷାଧ୍ୟକ୍ଷ ଗୋପାଳକୃଷ୍ଣ ପାତ୍ର, ପରାମର୍ଶ ଦାତା କମିଟିର ସଦସ୍ୟ ଶିରିଶ ଚନ୍ଦ୍ର ଗିରି,ସତିଶ ଚନ୍ଦ୍ର ବାରିକ, ମୀନକେତନ ଗିରି, ପ୍ରଦୀପ କୁମାର ଗିରି, ବାୟକ ଗୋଲେଶ ଭୋଇ, ସଙ୍ଗୀତ ବ୍ରଜମୋହନ ପଣ୍ଡା, ସରୋଜ ପଣ୍ଡା,ମନ୍ତ୍ରୀ ମାଝୀ ପ୍ରମୁଖ ଯୋଗ ଦେଇଥିଲେ। ବିଗତ ବର୍ଷ ଅନୁଷ୍ଠିତ ପାଲା ସମ୍ମିଳନୀ ର ସମୀକ୍ଷା ତଥା ଆଗାମୀ ବର୍ଷ ମୟୁରଭଞ୍ଜ ଜିଲ୍ଲା ପାଲାକାର ସମ୍ମିଳନୀ ସମ୍ପର୍କରେ ଆଲୋଚନା ହୋଇଥିଲା.. ବୈଠକ ରେ ସର୍ବସମ୍ମତ କ୍ରମେ ୨୦୨୬ ବର୍ଷ ର ଜିଲ୍ଲା ପାଲାକାର ସମ୍ମିଳନୀ ମୟୁରଭଞ୍ଜ ଜିଲ୍ଳାର ଅଧିଷ୍ଠାତ୍ରୀ ଦେବୀ ମା କିଚକେଶ୍ବରୀ ଙ୍କ ପୀଠ ଖିଚିଂ ଠାରେ କରିବାକୁ ନିଷ୍ପତି ଗ୍ରହଣ କରାଯାଇଥିଲା
କାର୍ଯ୍ୟକ୍ରମ ଶେଷରେ ମୟୂରଭଞ୍ଜ ଭଞ୍ଜ ଭୂମି ପାଲାକାର ସଂଘ ର ସାଧାରଣ ସମ୍ପାଦକ ତଥା ବିଶିଷ୍ଟ ପାଲାଗାୟକ ଉମେଶ ଚନ୍ଦ୍ର ବେହେରା ସଙ୍ଘ ର ନିଜସ୍ୱ ଗୃହ ନଥିବାରୁ ସରକାର ଙ୍କ ନିକଟରେ ବିଧିବଦ୍ଧ ଦାବୀ ଉପସ୍ଥାପନ କରିବାକୁ ପ୍ରସ୍ତାବ ଦେବା ସହିତ ଧନ୍ୟବାଦ ଅର୍ପଣ କରିଥିଲେ।
