jmjnewso
ନୂଆଦିଲ୍ଲୀ:(ଜେଏମଜେ ନ୍ୟୁଜ): ଦେଶବାସୀଙ୍କୁ ପୁଣି ଝଟକା ଦେଲେ କେନ୍ଦ୍ର ସରକାର । ଟ୍ରେନ ଭଡ଼ା ବୃଦ୍ଧି କରିଛନ୍ତି କେନ୍ଦ୍ର ସରକାର । ଯାହା ଆସନ୍ତା ୨୬ ତାରିଖରୁ ଲାଗୁ ହେବ । ସାଧାରଣବର୍ଗରେ ୨୧୫ କିମିରୁ ଅଧିକ ଯାତ୍ରା ପାଇଁ କିମି ପିଛା ୧ ପଇସା ବୃଦ୍ଧି କରାଯାଇଛି । ମେଲ/ଏକ୍ସପ୍ରେସ ନନଏସି ପାଇଁ କିମି ପିଝା ୨ ପଇସା ବୃଦ୍ଧି କରାଯାଇଛି ।ସେହିପରି ଏସି ଯାତ୍ରା ପାଇଁ କିଲୋମିଟର ପିଛା ୨ ପଇସା ବୃଦ୍ଧି କରାଯାଇଛି । ନନଏସିରେ ୫୦୦ କିମି ଯାତ୍ରା ପାଇଁ ଅଧିକ ୧୦ ଟଙ୍କା ଦେବାକୁ ପଡ଼ିବ । ଏହା ଦ୍ୱାରା ଚଳିତ ବର୍ଷ ରେଳବାଇ ୬୦୦ କୋଟିରୁ ଅଧିକ ଟଙ୍କା ଆୟ କରିବ । ତେବେ ଲୋକାଲ ଟେନ ଓ ମାସିକିଆ ଟିକେଟ(ଏମଏସଟି)ରେ କୌଣସି ବୃଦ୍ଧି ହୋଇନାହିଁ ।
