jmjnewso
କରଞ୍ଜିଆ- ଜେଏମଜେ ନ୍ୟୁଜ: ( ଜିତେନ୍ଦ୍ର ରାଜ)ଯଶିପୁର ଶ୍ରୀ ଶ୍ରୀ ରଘୁନାଥ ଜୀଉ ମଠ ପ୍ରାଙ୍ଗଣରେ ବାଥୁଡି ସମାଜର ଅଠର ଦେଉଳ ସଭା ଅନୁଷ୍ଠିତ ହୋଇଯାଇଛି । ଅଠର ଦେଉଳର ଦେହୁରୀ କମିଟିର ସଭାପତି ଚିତ୍ତରଞ୍ଜନ ଦାସ ମହାପାତ୍ର ତଥା ଭାରତୀ ନାଏକ ଙ୍କ ଆହ୍ବାନ କ୍ରମେ କେନ୍ଦୁଝର, ମୟୂରଭଞ୍ଜ, ବାଲେଶ୍ଵର ଜିଲ୍ଲାର ବହୁ ବଡାମ କୁଳିଆ ଭାଇ ଭଉଣୀ ତଥା ୩ ହଜାର ରୁ ଉର୍ଦ୍ଧ ଅଠର ଦେଉଳ ଭକ୍ତଗଣ ଯୋଗ ଦେଇଥିଲେ । ଜୟ ବଡାମ ସଂଗଠନର ସଭାପତି ଦେବେନ୍ଦ୍ରନାଥ ନାଏକ, ସଂପାଦକ ବ୍ରହ୍ମାନନ୍ଦ ନାଏକ ସଭାକୁ ଉତ୍ତମ ରୂପେ ପରିଚାଳନା କରିଥିଲେ । ଉକ୍ତ ସଭାରେ ଆଗାମୀ ଚୈତ୍ର ମାସ ଇଂରାଜୀ ମାର୍ଚ୍ଚ ମାସ ୨୯ ତାରିଖରୁ ଅପ୍ରେଲ ୫ ପର୍ଯ୍ୟନ୍ତ ୮ ଦିନ ବ୍ୟାପି ଅଠର ଦେଉଳ ପୂଜା ଆରାଧନା ଚଲିବାକୁ ନିଷ୍ପତି ଗ୍ରହଣ କରାଯାଇଥିଲା । ୩ ଜିଲ୍ଲାର ବିଭିନ୍ନ ଗ୍ରାମର ବଡାମକୁଳିଆ ମହିଳା ପୁରୁଷ ଉକ୍ତ କାର୍ଯ୍ୟକ୍ରମରେ ଯୋଗ ଦେବାକୁ କମିଟି ତରଫରୁ ସମସ୍ତଙ୍କୁ ସ୍ବାଗତ ଜଣାଇଥିଲେ । କାର୍ଯ୍ୟକ୍ରମରେ ଭାଗ୍ୟଶ୍ରୀ ଜନସେବା କରଞ୍ଜିଆର ସଭାପତି ଚିତ୍ତରଞ୍ଜନ ନାଏକ, ସଙ୍ଗଠନର ସଭାପତି ଓ ସମ୍ପାଦକକୁ ଅନୁରୋଧ କରିଥିଲେ ଯେ, ଆଗାମୀ ଦିନର କାର୍ଯ୍ୟକ୍ରମ ପାଇଁ ସମସ୍ତ ଅଠର ଦେଉଳ ପ୍ରେମୀଙ୍କୁ ସ୍ଵତନ୍ତ୍ର ବ୍ୟାଚ୍ ବ୍ୟବସ୍ଥା ତଥା ଅଠର ଦେଉଳର ଅଠର ଦେବାଦେବୀଙ୍କ ପୀଠସ୍ଥଳୀକୁ ସମ୍ପୂର୍ଣ ପବିତ୍ରତା ରକ୍ଷା କରିବାକୁ ପ୍ରସ୍ତାବ ଗୃହୀତ ହୋଇଥିଲା ।
