jmjnewso
ବୁଗୁଡ଼ା,୧୪/୦୪ ଜେଏମଜେ ନ୍ୟୁୁଜ(ସୋରେନ କୁମାର ପ୍ରଧାନ):ବୁଗୁଡ଼ା ବ୍ଲକର ବିଭିନ୍ନ ଗ୍ରାମରେ ଦଣ୍ଡଯାତ୍ରା, ପଣା ସଂକ୍ରାନ୍ତି ଓ ଓଡିଆ ନବବର୍ଷ ବହୁ ଆଡ଼ମ୍ବର ସହକାରେ ପାଳିତ ହୋଇଯାଇଛି ।ଏହାସହ ଶେଷ ହୋଇଯାଇଛି ଦୀର୍ଘ ୨୧ଦିନ ଧରି ଚାଲିଥିବା ପ୍ରସିଦ୍ଧ ଦଣ୍ଡଯାତ୍ରା ।
ଏଥିସହ ମା’ଦଣ୍ଡକାଳୀ ନିଜ ମନ୍ଦିର କୁ ଫେରିବା ସହ ସମସ୍ତ ଦଣ୍ଡୁଆ ନିଜ ନିଜ ଗୃହକୁ ପ୍ରତ୍ୟାବର୍ତନ କରିଛନ୍ତି ।ବୁଗୁଡ଼ା ବ୍ଲକର ବୁଗୁଡ଼ା ସମେତ ପଂକଳବାଡି, ତାଳସାକର, ଡାକରାବାଡି,ଗୋଳାବନ୍ଧ, ପାଣିକେଶ୍ୱର, ଚିଲିଖମା, କାନନକୁଟୀର, ଭାମସ୍ୟାଳି ଓ ଗୋଲିଆ ପ୍ରଭୃତି ଗ୍ରାମରେ ମେରୁଯାତ୍ରା ସହ ଦଣ୍ଡଯାତ୍ରା ଉଦଯାପିତ ହୋଇଯାଇଛି । ପ୍ରବଳ ଖରା ସତ୍ୱେ ମେରୁଯାତ୍ରା ଦେଖିବାପାଇଁ ମେରୁ ମଣ୍ଡପ ଗୁଡିକରେ ପ୍ରବଳ ଜନସମାଗମ ଦେଖିବାକୁ ମିଳିଥିଲା ।ଗ୍ରାମ ଗୁଡିକରେ ଆଧ୍ୟାତ୍ମିକମୟ ପରିବେଶ ସୃଷ୍ଟି ହୋଇଥିଲା ଯାହାକୁ ନେଇ ଦଣ୍ଡଯାତ୍ରାର କାର୍ଯ୍ୟକ୍ରମ ସୂଚାରୁ ରୂପେ ପରିଚାଳନା କରିଥିଲେ ଦଣ୍ଡଯାତ୍ରାର ସମସ୍ତ କମିଟି ଓ ଗ୍ରାମବାସୀ ବୃନ୍ଦ । ଢୋଲ ଓ ହୁଳହୁଳିରେ ମେରୁ ମଣ୍ଡପ ଗୁଡିକ ପ୍ରକମ୍ପିତ ହୋଇଉଠିଥିଲା । ଘଣ୍ଟ ଘଣ୍ଟା ଢୋଲ ବାଜାରେ ମାଁକାଳୀଙ୍କ ଆସ୍ଥାନ ପ୍ରକମ୍ପିତ ହୋଇ ଉଠିଥିବା ବେଳେ ମାନସିକ ଧାରି ଦଣ୍ଡୁଆମାନେ ଯଥା ରିତିନିତୀ ଅନୁସାରେ ଧୂଳିଦଣ୍ଡ , ପାଣି ଦଣ୍ଡ , ଗ୍ରାମ ପରିକ୍ରମା କରିବା ସହ ସନ୍ଧ୍ୟାରେ ଆଳତି ଅନୁଷ୍ଠିତ ହୋଇଥିବାବେଳେ ରାତିରେ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ ହୋଇଥିଲା ।
