jmjnewso
ବୌଦ୍ଧ: ଜେଏମଜେ ନ୍ୟୁଜ : (ପୂର୍ଣ୍ଣ ଚରଣ ସାହୁ )କଣ୍ଟାମାଳ ବ୍ଲକ ଡଃ ଆମ୍ବେଦକର କଲ୍ୟାଣ ସମିତି ପକ୍ଷରୁ ସମ୍ବିଧାନ ପ୍ରଣେତା ଡଃ ଭୀମରାଓ ରାମଜୀ ଆମ୍ବେଦକରଙ୍କ ୧୩୫ତମ ଜନ୍ମ ଜୟନ୍ତୀ ଦିବସ ପାଳିତ ହୋଇଯାଇଛି। ସଙ୍ଘ ସଭାପତି ଜ୍ୟୋତି ମହାନନ୍ଦଙ୍କ ନେତୃତ୍ଵରେ ଆୟୋଜିତ ଉକ୍ତ କାର୍ଯ୍ୟକ୍ରମରେ ସଦସ୍ୟମାନେ କଲରାକୋଠା କାଳୀ ମନ୍ଦିର ନିକଟରୁ ବାହାରି କଣ୍ଟାମାଳ ତହସିଲ ଛକ ପର୍ଯ୍ୟନ୍ତ ଏକ ଶାନ୍ତିପୂର୍ଣ୍ଣ ପଦଯାତ୍ରା କରିଥିଲେ। ଏହି ଅବସରରେ ବାବା ସାହେବ ଡଃ ଆମ୍ବେଦକରଙ୍କ ଉଦ୍ଦେଶ୍ୟରେ ଏକ ସଭାକାର୍ଯ୍ୟ ଅନୁଷ୍ଠିତ ହୋଇଥିଲା। ସାମାଜିକ କର୍ମି ବିଶ୍ୱଜିତ ହରିପାଲ ସ୍ବାଗତ ଭାଷଣ ଓ ଅତିଥି ପରିଚୟ ପ୍ରଦାନ କରିଥଲେ। କାର୍ଯ୍ୟକ୍ରମ ପ୍ରାରମ୍ଭରେ ବାବା ସାହେବ ଆମ୍ବେଦକରଙ୍କ ଫଟୋଚିତ୍ରରେ ପୁଷ୍ପମାଲ୍ୟ ଅର୍ପଣ କରାଯାଇଥିଲା। ମୁଖ୍ୟ ଅତିଥି ଭାବେ ସମାଜସେବୀ ସୁଧିର ମହାକୁଡ ଯୋଗଦେଇଥିବା ବେଳେ ମୁଖ୍ୟ ବକ୍ତା ଭାବେ କଣ୍ଟାମାଳ ବିଧାନସଭା ର ବିଧାୟକ ପ୍ରାର୍ଥୀ ସରୋଜ ପ୍ରଧାନଯୋଗ ଦେଇଥିଲେ lସମ୍ମାନୀତ ଅତିଥି ଭାବରେ ବୌଦ ଜିଲ୍ଲା କଂଗ୍ରେସ ସଭାପତି ଅବଦୁଲ କଲିମ ଖାଁ, ସମାଜସେବୀ ପିତାମ୍ବର ବିଭାର, ପ୍ରକାଶ ହରିପାଲ, ତରଭା ଗଣ୍ଡା ସମାଜ ବ୍ଲକ ସଭାପତି ସୁଶିଲ ମଲ୍ଲିକ, ତରଭା ଲକ୍ଷେ ଘର ଗଣ୍ଡା ସମାଜ ସାଧାରଣ ସମ୍ପାଦକ ସୁଦାମ ଚରଣ ନାଗ ମଞ୍ଚାସିନ ରହି ଅଭିଭାଷଣ ପ୍ରଦାନ କରିଥଲେ।
ଭୀମ ଆର୍ମି ଭାରତ ଏକତା ମିଶନ ଓଡ଼ିଶା ରାଜ୍ୟ ପ୍ରଭାରୀ ତଥା ସିଆଇଡି ଅଧିକାରୀ ତପନ କୁମାର ନାୟକ ସ୍ଵତନ୍ତ୍ର ଅତିଥି ଭାବରେ ଉପସ୍ଥିତ ରହି ସମ୍ବିଧାନର ବିଭିନ୍ନ ଧାରା ଏବଂ ଅଧିକାର ସମ୍ପର୍କରେ ଆଲୋକପାତ କରିଥିଲେ। ଆମ୍ବେଦକରଙ୍କ କାର୍ଯ୍ୟକଳାପ,ନୀତି ଆଦର୍ଶ ଓ ଲକ୍ଷ୍ୟ ଉପରେ ଅତିଥିମାନେ ବକ୍ତବ୍ୟ ରଖିଥିଲେ।
ଉତ୍ତମ ରାଷ୍ଟ୍ର ଓ ଉତ୍ତମ ସମାଜ ଗଠନ ପାଇଁ ପ୍ରଥମେ ଉତ୍ତମ ନାଗରିକ ହେବା ଜରୁରୀ ବୋଲି ଅତିଥି ଅବଦୁଲ କଲିମ ଖାଁ ମତବ୍ୟକ୍ତ କରିଥିଲେ।
ଶେଷରେ ଛାତ୍ରନେତା ପ୍ରତ୍ୟୁଷ ମହାନନ୍ଦ ଧନ୍ୟବାଦ ଅର୍ପଣ କରିଥିଲେ।
