jmjnewso
ଖଲିକୋଟ : ଜେଏମଜେ ନ୍ୟୁଜ (ଶ୍ରୀନିବାସ ସାହୁ ): ପଞ୍ଚାୟତ ସମିତି ବୈଠକରେ ବିଜେପି ନେତା ମୁହାଁମୁହିଁ । ବିଧାୟକ ଓ ବିଜେପି ସାଂସଦଙ୍କ ପ୍ରତିନିଧିଙ୍କ ମଧ୍ୟରେ କଥା କଟାକଟିକୁ ନେଇ ଉତ୍ତେଜନା ସୃଷ୍ଟି ହୋଇଛି। ଗଞ୍ଜାମ ଜିଲ୍ଲା ଖଲ୍ଲିକୋଟ ବ୍ଲକରେ ବସିଥିବା ୧୧ତମ ପଞ୍ଚାୟତ ସମିତି ବୈଠକରେ ଏଭଳି ଘଟଣା ଦେଖିବାକୁ ମିଳିଛି ।ବିକାଶମୂଳକ ଆଲୋଚନା ମଧ୍ୟରେ ବିଧାୟକ ପୂର୍ଣ୍ଣଚନ୍ଦ୍ର ସେଠୀ ଓ ସାଂସଦଙ୍କ ପ୍ରତିନିଧି ଯଜ୍ଞନାରାୟଣ ଦାସଙ୍କ ମଧ୍ୟରେ କଥା କଟାକଟି ହୋଇଥିଲା ।ପଞ୍ଚାୟତ ସମିତି ଅଧ୍ୟକ୍ଷା ଓ ବିଡିଓଙ୍କ ଉପସ୍ଥିତିରେ ଉଭୟ ପକ୍ଷ ପରସ୍ପରକୁ ବିରୋଧ କରିଥିଲେ । ବୈଠକ ଚାଲିଥିବା ବେଳେ ସାଂସଦ ପ୍ରତିନିଧିଙ୍କ ବସିବାକୁ ନେଇ ପ୍ରଶ୍ନ ଉଠିଥିଲା। ଏହାକୁ ବିଧାୟକ ବିରୋଧ କରିଥିବା ବେଳେ ପରେ ସାଂସଦ ପ୍ରତିନିଧି ମଧ୍ୟ ବିଧାୟକଙ୍କ ପ୍ରତିନିଧିଙ୍କ କଥାକୁ ବିରୋଧ କରିଥିଲେ । ଫଳରେ ଉଭୟଙ୍କ ମଧ୍ୟରେ ଆରମ୍ଭ ହୋଇଥିଲା ତୀବ୍ର ଯୁକ୍ତିତର୍କ। ଏପରିକି ଉଭୟ ପକ୍ଷଙ୍କ ମଧ୍ୟରେ ଇଂରାଜୀ ଭାଷାରେ ମଧ୍ୟ ତର୍କ ହୋଇଥିଲା । ଏହାକୁ ନେଇ ବୈଠକରେ କିଛି ସମୟ ପାଇଁ ଅସ୍ୱାଭାବିକ ପରିବେଶ ସୃଷ୍ଟି ହୋଇଥିଲା। ଅଧ୍ୟକ୍ଷା ଓ ବିଡିଓଙ୍କ ସାମ୍ନାରେ ଏଭଳି ଯୁକ୍ତିତର୍କ ଘଟଣାକୁ ନେଇ ଏବେ ଖଲ୍ଲିକୋଟ ରାଜନୈତିକ ମହଲରେ ଚର୍ଚ୍ଚା ଜୋର ଧରିଛି ।
