jmjnewso
ବରଗଡ଼ : ଜେଏମଜେ ନ୍ୟୁଜ (କ୍ଷମାନିଧି ବଣ୍ଡୁକି ):ବରଗଡ଼ ଜିଲ୍ଲା ଭେଡେନ ବ୍ଲକ ଅନ୍ତର୍ଗତ ରେଶମ ବଜାର ପ୍ରାଙ୍ଗଣରେ ଆଞ୍ଚଳିକ ଜନକଲ୍ୟାଣ ଭିନ୍ନକ୍ଷମ ସଂଗଠନ ଭେଡେନର ରେଶମ, ଅରେଇଗୁଡି, ଅଇଁଲାପାଲି ଓ ଲୁହାଖଣ୍ଡି ପଞ୍ଚାୟତକୁ ନେଇ ନୂଆଁଖାଇ ବନ୍ଧୁମିଳନ – ୨୦୨୬ ସଂଗଠନ ସଭାପତି ବସନ୍ତ କୁମାର ଭୋଇଙ୍କ ସଭାପତିତ୍ୱରେ ଅନୁଷ୍ଠିତ ହୋଇଛି। ଏଥିରେ ମୁଖ୍ୟ ଅତିଥି ଭାବରେ ପାୱାର ଅଫ ଦିବ୍ୟଙ୍ଗ ବରଗଡ଼ ଜିଲ୍ଲା ସଭାପତି ଶ୍ୟାମ ସୁନ୍ଦର ଅଗ୍ରୱାଲ, ମୁଖ୍ୟ ବକ୍ତା ଭାବରେ ବରପାଲି ଫାର୍ମାସିଷ୍ଟ କଲେଜ ଚେୟାରମେନ ନରେନ୍ଦ୍ର କୁମାର ହୋତା,ସମ୍ମାନିତ ଅତିଥି ଭାବରେ ପଶ୍ଚିମା ନୀଉଜ କେନାଲ ମୁଖ୍ୟ ସମ୍ପାଦକ ହର୍ଷ ବେହେରା , ସରପଞ୍ଚ ଶ୍ରୀମତୀ ସଂଯୁକ୍ତା ବେହେରା,କବି ରଞ୍ଜିତ ପଧlନ ,ପାୱାର ଅଫର ଉପ ସଭାପତି ଅଶୋକ ଅଗ୍ରୱାଲ ଓ କବି ଗୌର ଚରଣ ସା ଯୋଗଦାନ କରି ନୂଆଁଖାଇ ବନ୍ଧୁମିଳନ ଭାଇ ଚାରା ବାର୍ତ୍ତା ଦେବା ସହ ବର୍ତ୍ତମାନ ଦିବ୍ୟାଙ୍ଗ ମାନେ ଅକ୍ଷମ ନୁହନ୍ତି ,ସେମାନେ ସକ୍ଷମ ।
ସେମାନେ ସବୁକ୍ଷେତ୍ରରେ ଆଗୁଆ ଅଛନ୍ତି ବୋଲି ମତବ୍ୟକ୍ତ କରିଥିଲେ । ଅନ୍ୟମାନଙ୍କ ମଧ୍ୟରେ ବିଜିଏଜର ଭଟଲି ସଭାପତି ଫକୀର ମହାନନ୍ଦ,ଅତାବିରା ସଭାପତି ବୀରକିଶୋର ବାଦୀ,ବରପାଲି ସଭାପତି ପ୍ରମୋଦ ଗଡତିଆ,ଚୋଲ ଡୁଙ୍ଗୁରିପାଲି ସଭାପତି ମିତ୍ରଭାନୁ ସାହୁ ପ୍ରମୁଖ ମଞ୍ଚାସୀନ ହୋଇଥିଲେ । ଏଥିରେ ପାୱାର ଅଫ୍ ତରଫରୁ ଦୁଇ ଜଣକୁ ସିଲାଇ ମେସିନ୍ ଦେଇଥିବା ବେଳେ ଦିବ୍ୟାଙ୍ଗ ମାନଙ୍କ ଗୀତ,ବାଦ୍ୟ , ନୃତ୍ୟ ଓ ଅଭିନୟ ସମସ୍ତଙ୍କୁ ମନ୍ତ୍ରମୁଗ୍ଧ କରିଥିଲା ।
