jmjnewso
ଜେଏମଜେ ବ୍ୟୁରୋ : ଦୀର୍ଘ ଦିନ ପରେ ଖୋଲିଲା ଗଞ୍ଜାମର ପ୍ରସିଦ୍ଧ ମା’ ତାରାତାରିଣୀଙ୍କ ହୁଣ୍ଡି। ହୁଣ୍ଡିରୁ ବାହାରିଲା ବିଡ଼ା ବିଡ଼ା ଟଙ୍କା, ସୁନା, ରୂପା ଓ ବିଦେଶୀ ମୁଦ୍ରା। ମନ୍ଦିର ପରିସରରେ ଥିବା ୫ଟି ହୁଣ୍ଡି ଖୋଲାଯାଇଥିବା ବେଳେ ସେଥିରୁ ବାହାରିଛି ବିଡ଼ା ବିଡ଼ା ଟଙ୍କା। ମନ୍ଦିର କାର୍ଯ୍ୟନିର୍ବାହୀ ଅଧିକାରୀ ବିନୋଦ ବେହେରାଙ୍କ ଉପସ୍ଥିତିରେ ଚାଲିଛି ହୁଣ୍ଡି ଟଙ୍କା ଗଣତି।ଟଙ୍କା ଗଣତି କାର୍ଯ୍ୟରେ ନିୟୋଜିତ ହୋଇଛନ୍ତି ପୁରୁଷୋତ୍ତମପୁର ତହସିଲ ସହ ବ୍ୟାଙ୍କ କର୍ମଚାରୀ। ଟଙ୍କା ଗଣତି ବେଳେ ହୁଣ୍ଡିରୁ ମିଳିଛି ବିଭିନ୍ନ ଦେଶର ବିଦେଶୀ ମୁଦ୍ରା ।
ଏହାସହ ମା’ଙ୍କ ରୂପାର ଆଖି, ସୁନା ଗହଣା ଓ ଅନ୍ୟାନ୍ୟ ମୂଲ୍ୟବାନ ସାମଗ୍ରୀ ମଧ୍ୟ ମିଳିଛି। ଏସବୁ ଭିତରେ ସମସ୍ତଙ୍କ ନଜର ଅଟକିଛି ହୁଣ୍ଡିରୁ ବାହାରିଥିବା ଭକ୍ତଙ୍କ ଚିଠି ଉପରେ । କାହାର ଚିଠିରେ ରହିଛି ପରିବାରର ଦୁଃଖ । କିଏ ନିଜ ମା’ଙ୍କ ସୁସ୍ଥତା ପାଇଁ ମା’ ତାରାତାରିଣୀଙ୍କୁ ଗୁହାରି କରିଛି । ଆଉ କିଏ ସରକାରୀ ଚାକିରି ପାଇଁ ମା’ଙ୍କୁ ଲେଖିଛି ଚିଠି। ମାଙ୍କର ଷୋଡ଼ଶ ଉପଚାର ପୂଜା ଚାଲିଥିବା ବେଳେ ଭକ୍ତଙ୍କ ଏହି ଭାବନା ଓ ବିଶ୍ୱାସ ଚର୍ଚ୍ଚାର ବିଷୟ ପାଲଟିଛି ।
