jmjnewso
ଜେଏମଜେ ବ୍ୟୁରୋ : ଆସିକା ସାଂସଦ ଅନିତା ସୁଭଦର୍ଶନୀ ଧରାକୋଟ ବ୍ଲକର ଉନ୍ନତି ଓ ବିକାଶ ଧାରାକୁ ଆଗକୁ ନେବାପାଇଁ ଢଉଗାଁ ପଞ୍ଚାୟତ ର ସୁନା ମୋହି ଗ୍ରାମର ଉଚ୍ଚ ଶିକ୍ଷିତ ଯୁବକ ତଥା ବି ଜେ ପି ର ଜଣେ ଜଣାଶୁଣା ଚେହେରା ମୁନା ପ୍ରଧାନ ଙ୍କୁ ନିଜର ଧରାକୋଟ ବ୍ଲକ ପ୍ରତିନିଧି ଭାବରେ ମନୋନୀତ କରିଥିବା ନେଇ ଚିଠି ମାଧ୍ୟମରେ ଜିଲ୍ଲା ପ୍ରଶାସନ କୁ ଅବଗତ କରାଇଛନ୍ତି । ମୁନା ମାନବ ସମ୍ବଳ ଓ ଅର୍ଥ ରେ ଏମ ବି ଏ କରିବା ସହ ସ୍ନାତକୋତ୍ତର ଭାବରେ ଭୁବନେଶ୍ୱର ବି ଜେ ବି କଲେଜ ରୁ ସାମ୍ବାଦିକତା ଓ ଗଣ ଯୋଗାଯୋଗ ବିଷୟରେ ଉତ୍ତୀର୍ଣ୍ଣ ହୋଇଛନ୍ତି । ସେ ଆରବ ରାଷ୍ଟ୍ରର କତାର ରେ ପେଟ୍ରୋଲିୟମ ଇନଡ଼ାଷ୍ଟ୍ରି ରେ ମ୍ୟାନେଜର ଭାବରେ କାର୍ଯ୍ୟରତ ଥିବା ବେଳେ 2017 ମସିହାରେ ପ୍ରଧାନମନ୍ତ୍ରୀ ମୋଦିଙ୍କର ଆଦର୍ଶରେ ଅନୁପ୍ରାଣିତ ହୋଇ ବି ଜେ ପି ରେ ଯୋଗ ଦେଇଥିଲେ ଓ ଦୁଇଟି ପଞ୍ଚାୟତ ନିର୍ବାଚନ ରେ ସକ୍ରିୟ ଭାବେ ଅଂଶ ଗ୍ରହଣ କରିଥିଲେ ।
2019 ସାଧାରଣ ନିର୍ବାଚନ ରେ ଦଳ ତରଫରୁ ଖଣ୍ଡପଡା ବିଧାନସଭା ଆସନ ପାଇଁ ବିସ୍ତାରକ ଭାବେ ଦାୟିତ୍ଵ ପ୍ରଦାନ କରାଯାଇଥିଲା । ଗତ ନିର୍ବାଚନରେ ସେ ଧରାକୋଟ ବ୍ଲକରେ ବି ଜେ ପି ପାଇଁ ସକ୍ରିୟ ଭାବରେ କାମ କରିଥିଲେ । ସଂପ୍ରତି ସାଂସଦ ପ୍ରତିନିଧି ଭାବରେ ମନୋନୀତ ହେବାପରେ ମୁନା ପ୍ରଧାନ ଆସିକା ସାଂସଦ ଅନିତା ଶୁଭଦର୍ଶନି ଙ୍କ ସହ ଆସିକା ଜିଲ୍ଲା ବି ଜେ ପି ସଭାପତି ବିଜୟ ସ୍ୱାଇଁ ଙ୍କୁ କୃତଜ୍ଞତା ଜଣାଇବା ସହ ନିଜର ଦାୟିତ୍ଵ ନିଷ୍ଠାର ସହିତ ପାଳନ କରିବେ ବୋଲି ପ୍ରକାଶ କରିଛନ୍ତି।
ବ୍ୟୁରୋ ରିପୋର୍ଟ jmj ନ୍ୟୁଜ
