ଅବସରକାଳୀନ ବିଦାୟ ସମ୍ବର୍ଦ୍ଧନା ସଭା

ଜେଏମଜେ ବ୍ୟୁରୋ : ଗଞ୍ଜାମ ଜିଲ୍ଲା କବିସୂର୍ଯ୍ୟନଗର NAC ଅନ୍ତର୍ଗତ ଶ୍ରୀ ଚନ୍ଦ୍ରଶେଖର ହାଇସ୍କୁଲ ଠାରେ ଶ୍ରୀମତୀ ସବିତା କୁମାରୀ ବିଶୋଇଙ୍କ ଅବସରକାଳୀନ ସମ୍ବର୍ଦ୍ଧନା ସଭା, ଭାରପ୍ରାପ୍ତ ପ୍ରଧାନ ଶିକ୍ଷକ ମିହିର କୁମାର ଶତପଥିଙ୍କ ସଭାପତିତ୍ୱ ରେ ଅନୁଷ୍ଠିତ ହୋଇଯାଇଛି..

ଅନୁଷ୍ଠିତ ସଭାରେ ମୁଖ୍ୟ ଅତିଥି ଭାବେ କବିସୂର୍ଯ୍ୟନଗର ଗୋଷ୍ଠୀ ଶିକ୍ଷା ଅଧିକାରୀ ଅଭିମନ୍ୟୁ ସାହୁ ଯୋଗ ଦେଇଥିବା ବେଳେ ସମ୍ମାନୀୟ ଅତିଥି ଭାବେ ABEO ରବି ନାରାୟଣ ବେହେରା, ମାଧବ ଚନ୍ଦ୍ର ମାଝୀ, ପ୍ରଧାନ ଶିକ୍ଷକ ସିମାଞ୍ଚଳ ପାଣି, ବିଦ୍ୟାଳୟ ପରିଚାଳନା କମିଟି ସଭାପତି ପଦ୍ମନାଭ ମିଶ୍ର, CRCC ରବୀନ୍ଦ୍ର କୁମାର ବିଶ୍ୱାଳ ଯୋଗ ଦେଇଥିଲେ।

ସେହିପରି ଅନ୍ୟ ତମ ଅତିଥି ଭାବେ ଶିକ୍ଷୟତ୍ରୀ ବିଜୟଲକ୍ଷ୍ମୀ ସାହୁ, ପ୍ରମିତା କୁମାରୀ ନାହାକ ମଂଚାସୀନ ହୋଇ ଅବସର ନେଇଥିବା ସହକାରୀ ଶିକ୍ଷୟତ୍ରୀ ସବିତା କୁମାରୀ ବିଶୋଇ ଙ୍କ କାର୍ଯ୍ୟ ଧାରା, ସମୟାନୁବର୍ତ୍ତିତା, ଏବଂ ନିଷ୍ଠାପର ଶିକ୍ଷାଦାନ ସମ୍ପର୍କରେ ଅତିଥି, ଶିକ୍ଷକ ମାନେ ମତ ବ୍ୟକ୍ତ କରିବା ସହ ସମ୍ବର୍ଦ୍ଧନା ଦିଆଯାଇଥିଲା..

ସେବା ନିବୃତ ପର ଠାରୁ ଆଗାମୀ ସମୟ ସୁଖମୟ କାମନା କରି ମାନପତ୍ର, ଉତ୍ତରୀୟ, ପୁଷ୍ପ ଗୁଚ୍ଛ ସହ ଉପହାର ଦେଇ ସମ୍ବର୍ଦ୍ଧନା ଦିଆଯାଇଥିବା ଦେଖିବାକୁ ମିଳିଥିଲା.ଏବଂ ଶେଷରେ ସମସ୍ତ ଛାତ୍ର ଛାତ୍ରୀ ସହକର୍ମୀ ମିଶି ବିଦ୍ୟାଳୟ ରୁ ବାସଭବନ ଯାଏଁ ଶୋଭାଯାତ୍ରା ରେ ନେଇ ଥିବା ଜଣାଯାଇଛି..

ଅନୁଷ୍ଠିତ ସଭା କୁ ସଲୀଳା କୁମାରୀ ମିଶ୍ର, ମାନିନୀ ଆଚାର୍ଯ୍ୟ, ମାନିନୀ ବିଶୋଇ ଙ୍କ ସମେତ ସମସ୍ତ ଶିକ୍ଷକ ଶିକ୍ଷୟତ୍ରୀ ପରିଚାଳନା କରିଥିବା ବେଳେ ସମସ୍ତ ଛାତ୍ର ଛାତ୍ରୀ ଉପସ୍ଥିତ ରହି ଅବସର ନେଇଥିବା ଶିକ୍ଷୟତ୍ରୀ ଶ୍ରୀମତୀ ବିଶୋଇ ଙ୍କୁ ବିଦାୟ ସମ୍ବର୍ଦ୍ଧନା ଦେଇଥିଲେ..