jmjnewso
ପୁରୁଷୋତ୍ତମପୁର (ଜେଏମଜେ ନ୍ୟୁଜ): ଅକ୍ଟୋବର ୩୧ ତାରିଖ ଦିନ ସାରା ଦେଶରେ ଭାରତର ମହାନ ସ୍ଵାଧୀନତା ସଂଗ୍ରାମୀ ଲୌହମାନବ ସର୍ଦ୍ଧାର ବଲ୍ଲଭ ଭାଇ ପଟେଲଙ୍କ ୧୫୦ ତମ ଜନ୍ମଦିନ ଅବସରରେ “ଜାତୀୟ ଏକତା ଦିବସ” ପାଳନ କରାଯାଇଛି। ଏହି ଦିନ ଟି ଦେଶର ଏକତା, ଅଖଣ୍ଡତା ଓ ସଂହତି ଉଦ୍ଦେଶ୍ୟ ରେ ସମର୍ପିତ କରା ଯାଇଥାଏ । ନୂଆଦିଲ୍ଲୀ ସହିତ ସମସ୍ତ ରାଜ୍ୟ ଓ କେନ୍ଦ୍ରଶାସିତ ଅଞ୍ଚଳରେ ଜାତୀୟ ଏକତା ଦିବସ ଉତ୍ସାହ ଓ ଦେଶପ୍ରେମର ମାହୋଲ ରେ ଦେଶର ବିଭିନ୍ନ ସହର ଓ ଜିଲ୍ଲାରେ “ଏକତା ଦୌଡ” କାର୍ଯ୍ୟକ୍ରମ ଆୟୋଜିତ ହୋଇଥିଲା ।
କିନ୍ତୁ ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ସହରରେ ସ୍ଥାନୀୟ ପୋଲିସ ତରଫରୁ ଏକ “ଏକତା ଗଣଦୌଡ଼ ” କାର୍ଯ୍ୟକ୍ରମ ଆୟୋଜିତ ହୋଇଥିଲା । ଏହି ଦୌଡ଼ କାର୍ଯ୍ୟକ୍ରମ ସ୍ଥାନୀୟ କାଳୀ ମନ୍ଦିର ଛକ ଠାରୁ ଭୂତ ସରସିଙ୍ଗି ପର୍ଯ୍ୟନ୍ତ ହୋଇଥିଲା । ଏଥିରେ ଥାନା ଉପଖଣ୍ଡ ଅଧିକାରୀ ସୁଜିତ୍ କୁମାର ନାୟକ ଙ୍କ ସହିତ ଥାନା ଅଧିକାରୀ ରାଜେଶ କୁମାର ନାୟକ ଏବଂ ସୁଶାନ୍ତ କୁମାର ମିଶ୍ର , ରାଜେଶ କୁମାର ଛତ୍ରିୟା, କ୍ଷେତ୍ର ମୋହନ ସାହୁ, କିରଣ କୁମାର ବକ୍ସି, ରାଜୀବ ଶବର ଓ ଅନ୍ୟାନ୍ୟ ଥାନା କର୍ମଚାରୀ ସହ ସାମ୍ବାଦିକ,ବୁଦ୍ଧିଜୀବୀ ,ବହୁ ସ୍ଥାନିୟ ବ୍ୟକ୍ତି ଓ ଯୁବଗୋଷ୍ଠୀ ମାନେ ଯୋଗ ଦେଇଥିଲେ। ସର୍ଦ୍ଧାର ବଲ୍ଲଭ ଭାଇ ପଟେଲ ଭାରତ ସ୍ଵାଧୀନତା ପରେ ୫୬୫ ଟି ଦେଶୀ ରାଜ୍ୟକୁ ଏକତାରେ ବାନ୍ଧି ଦେଶକୁ ଏକ ସଂଯୁକ୍ତ ଜାତି ଭାବେ ଗଢ଼ି ତୋଳିଥିଲେ। ସେଥିପାଇଁ ତାଙ୍କୁ ଭାରତର “ଲୌହ ମାନବ ” ଭାବେ ସମ୍ମାନିତ କରାଯାଏ ।ଏଥିପାଇଁ ତାଙ୍କର ପୃଥିବି ର ସବୁଠାରୁ ବଡ ପ୍ରତିମୂର୍ତ୍ତି ଗୁଜୁରାଟ ରାଜ୍ୟରେ ସ୍ଥାପନ କରାଯାଇଛି। ତାଙ୍କ ଆଦର୍ଶ ନୀତି ଗୁଡିକ ଆଜି ମଧ୍ୟ ଯୁବପିଢି ଙ୍କ ପାଇଁ ପ୍ରେରଣା। ରାଷ୍ଟ୍ରୀୟ ଏକତା ଦିବସ ଆମକୁ ଏହି ସନ୍ଦେଶ ଦେଉଛି ଯେ “ଦେଶର ଶକ୍ତି ଏକତା ଓ ସଂହତିରେ ନିହିତ”।ସର୍ଦ୍ଧାର ପଟେଲଙ୍କ ଆଦର୍ଶ ଓ ଦେଶପ୍ରେମ ଭାରତକୁ ଆଗାମୀ ଦିନରେ ଅଧିକ ଶକ୍ତିଶାଳୀ ଓ ସଂଘଟିତ ଜାତି ଭାବେ ଗଢ଼ି ତୋଳିବାକୁ ଆହ୍ବାନ ଦେବ ।
ସୁଶାନ୍ତ କୁମାର ପାଢ଼ୀଙ୍କ ରିପୋର୍ଟ.
