ଶନିବାରମପେଟା ପ୍ରାଥମିକ ବିଦ୍ୟାଳୟ ରେ ୮୪ତମ ବାର୍ଷିକ ଉତ୍ସବ।

କୁକୁଡାଖଣ୍ଡି : ଜେଏମଜେ ନ୍ୟୁଜ : ସରକାରୀ ପ୍ରାଥମିକ ବିଦ୍ୟାଳୟ ଶନିବାରମପେଟାର ଚଳିତବର୍ଷ ବାର୍ଷିକ ଉତ୍ସବ ଉଦଯାପିତ ହୋଇଯାଇଛି।
ଏଥିରେ ଉକ୍ତ ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ନୀହାରିକା ପଟ୍ଟନାୟକ ସଭାପତିତ୍ୱ କରିଥିବା ବେଳେ ସରକାରୀ ଶିକ୍ଷୟିତ୍ରୀ ପ୍ରଗତି ପାତ୍ର ସଂପୂର୍ଣ୍ଣ କାର୍ଯ୍ୟକ୍ରମ କୁ ସଂଚାଳିତ ଓ ସଂଯୋଜନା କରିଥିଲେ। ମୂଖ୍ୟ ଅତିଥି ରୂପେ ସ୍ଥାନୀୟ କରଣସାହି – ଆଂଚଳିକ ସାଧନ କେନ୍ଦ୍ର ର ସଂଯୋଜକ ଅନୁଜ କୁମାର ପ୍ରଧାନ ଉପସ୍ଥିତ ରହିଥିବା ବେଳେ ମୁଖ୍ଯବକ୍ତା ରୂପେ ପ୍ରାକ୍ତନ ପ୍ରାଧ୍ଯାପକ ବିବେକାନନ୍ଦ କର , ଅନ୍ଯତମ ଅତିଥି ରୂପେ ସେହି ସ୍କୁଲର ପୂର୍ବତନ ପ୍ରଧାନ ଶିକ୍ଷୟିତ୍ରୀ ସୁଜାତା ଦାଶ ପିଲାଙ୍କ ଉଦ୍ଦେଶ୍ଯ ରେ ଅଭିଭାଷଣ ରଖିଥିଲେ। ଏହି କାର୍ଯ୍ୟକ୍ରମର ସଫଳତା ଆଣିବା ନିମନ୍ତେ ମନୋଜ ପଟ୍ଟନାୟକ ତଥା ପ୍ରାକ୍ତନ ଛାତ୍ରୀ ଶ୍ରେୟା ସେଠୀ ଅହରହ ଉଦ୍ଯମରତ ଥିଲେ।
ବାର୍ଷିକ ଖେଳକୁଦ ରେ ପ୍ରଥମ, ଦ୍ବିତୀୟ ଓ ତୃତୀୟ ସ୍ଥାନ ଅଧିକାର କରିଥିବା ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା। ପରିଶେଷରେ ବିଦ୍ଯାଳୟ ରେ ସାଂସ୍କୃତିକ କାର୍ଯ୍ୟକ୍ରମ କରାଯାଇଛି.