jmjnewso
ଭୁବନେଶ୍ୱର : ଜେଏମଜେ ନ୍ୟୁଜ : ସରକାରୀ ଜମିକୁ ଲିଜ୍ରେ ନେଇ ତାହାକୁ ଆଦୌ ବ୍ୟବହାର କରି ନଥିବା କିମ୍ବା ଅନ୍ୟ କାମରେ ବ୍ୟବହାର କରୁଥିଲେ ତାହା ସରକାରୀ ଖାତାକୁ ଫେରି ଆସିବ। ବର୍ତ୍ତମାନ ରାଜ୍ୟ ସରକାର ଅନେକ ଉନ୍ନୟନମୂଳକ କାର୍ଯ୍ୟ ପାଇଁ ବିଭିନ୍ନ ଅନୁଷ୍ଠାନ କିମ୍ବା କାର୍ଯ୍ୟାଳୟ ନିର୍ମାଣ କରୁଥିବାରୁ ସେଥିପାଇଁ ଜମିର ଅଭାବ ଦେଖାଦେଉଛି।
ସରକାରୀ ଜମିକୁ ଲିଜ୍ରେ ନେଇ ତାହାକୁ ଆଦୌ ବ୍ୟବହାର କରି ନଥିବା କିମ୍ବା ଅନ୍ୟ କାମରେ ବ୍ୟବହାର କରୁଥିଲେ ତାହା ସରକାରୀ ଖାତାକୁ ଫେରି ଆସିବ। ବର୍ତ୍ତମାନ ରାଜ୍ୟ ସରକାର ଅନେକ ଉନ୍ନୟନମୂଳକ କାର୍ଯ୍ୟ ପାଇଁ ବିଭିନ୍ନ ଅନୁଷ୍ଠାନ କିମ୍ବା କାର୍ଯ୍ୟାଳୟ ନିର୍ମାଣ କରୁଥିବାରୁ ସେଥିପାଇଁ ଜମିର ଅଭାବ ଦେଖାଦେଉଛି। ତେଣୁ ଜମିର ସ୍ଥିତି ଜାଣି ସେଗୁଡ଼ିକୁ ସରକାରଙ୍କ ଖାତାକୁ ଫେରାଇ ଆଣିବା ପାଇଁ ରାଜସ୍ବ ପର୍ଷଦ ପକ୍ଷରୁ ପଦକ୍ଷେପ ନିଆଯାଇଛି। ସରକାରୀ ଜମି ଲିଜ୍ରେ ନେଇଥିବା କିମ୍ବା ଅନ୍ୟ ମାଧ୍ୟମରେ ବିଭିନ୍ନ ବିଭାଗ, ଏଜେନ୍ସି କିମ୍ବା ଅନୁଷ୍ଠାନ ନେଇଥିବା ଜମିର ବିବରଣୀ ସହିତ ୫ବର୍ଷର ତଥ୍ୟ ପ୍ରଦାନ କରିବାକୁ ସମସ୍ତ ଜିଲ୍ଲାପାଳ, ତହସିଲଦାର, ଉପଜିଲ୍ଲାପାଳଙ୍କୁ ଚିଠି କରାଯାଇଛି। ଯଦି ଲିଜ୍ ନେବା ପରେ ସେହି ଜମି ଅବ୍ୟବହୃତ ହୋଇ ରହିଯାଏ, ତା’ହେଲେ ସେହି ଜମି ସରକାରଙ୍କ ଖାତାକୁ ଫେରିଆସିବା କଥା। ହେଲେ କେତେକ କ୍ଷେତ୍ରରେ ହେରଫେର କରାଯାଇ ବେଆଇନ ଭାବେ ଜମିଗୁଡ଼ିକୁ ବ୍ୟକ୍ତିଗତ ନାମକୁ ପରିବର୍ତ୍ତନ କରିଦିଆଯାଉଛି। ସରକାରଙ୍କ ଉନ୍ନୟନମୂଳକ କାର୍ଯ୍ୟ ପାଇଁ ଏବେ ଜମିର ବହୁଳ ଆବଶ୍ୟକତା ଦେଖାଦେଉଛି। ହେଲେ କେତେ ଜମି ଲିଜ୍ରେ ଯାଇଛି, ସରକାରୀ ଜମିରେ କ’ଣ କରାଯାଉଛି, ସେ ସଂପର୍କିତ କୌଣସି ତଥ୍ୟ ରାଜସ୍ବ ପର୍ଷଦ ପାଖରେ ନାହିଁ। ତେଣୁ ସମସ୍ତ ଜିଲ୍ଲାପାଳ, ଉପଜିଲ୍ଲାପାଳ ଓ ତହସିଲଦାରଙ୍କ ମାଧ୍ୟମରେ ସେମାନଙ୍କ ଅଧୀନରେ ଥିବା ଜମିଗୁଡ଼ିକର ବିବରଣୀ ମଗାଯାଇଛି। ସେହି ଜମିଗୁଡ଼ିକର ଭବିଷ୍ୟତ ବାବଦରେ ସରକାର ନିଷ୍ପତ୍ତି ନେବେ ବୋଲି ଶ୍ରୀ ସେଠୀ କହିଛନ୍ତି।
