jmjnewso
ଗୋପାଳପୁର: ଜେଏମଜେ ନ୍ୟୁଜ (ବିଭୁତି ଶତପଥୀ ): ରଘୁନାଥପୁର ସ୍ଥିତ ପିତାମ୍ବର କଲ୍ୟାଣ ମଣ୍ଡପର ସମ୍ମିଳନୀ କକ୍ଷରେ ଆଜି ବିପର୍ଯ୍ୟୟ ପରିଚାଳନା ସମ୍ବନ୍ଧୀୟ ଦକ୍ଷତା ବୃଦ୍ଧି ଓ ପ୍ରଶିକ୍ଷଣ କାର୍ଯ୍ୟକ୍ରମ ବ୍ରହ୍ମପୁର ଡ଼ିଏମ ଶଙ୍କର୍ଷଣ ବେହେରାଙ୍କ ଅଧକ୍ଷତାରେ ଅନୁଷ୍ଠିତ ହୋଇଥିଲା l ଏଥିରେ ମୁଖ୍ୟ ଅତିଥି ଭାବେ ଗଞ୍ଜାମ ଉପ ଜିଲ୍ଳାପାଳ ଶିବାଶିଷ ବରାଳ ଯୋଗ ଦେଇ ଏହି ଭଳି କାର୍ଯ୍ୟକ୍ରମକୁ ଉଚ୍ଚ ପ୍ରଶଂସା କରିବା ସହ ବିପର୍ଯ୍ୟୟ ସମୟରେ ଧର୍ୟ୍ଯର ସହ ମୁକାବୁଲା କରିବା,ନିଜେ ସୁରକ୍ଷିତ ରହିବା ସହ ଅନ୍ୟକୁ ସୁରକ୍ଷା ଦେବା ତାହାରି ଉପରେ କହିଥିଲେ l ମୁଖ୍ୟବକ୍ତା ଅତିଥି ଭାବେ ବ୍ରହ୍ମପୁର ଡ଼ି ଏଫ ଓ ଶନ୍ନି ଖୋକର ଯୋଗ ଦେଇ ବିପର୍ଯ୍ୟୟ ପୂର୍ବ ଓ ପରେ ବନ ବିଭାଗର ଭୂମିକା ଓ ଦାୟିତ୍ୱ ଉପରେ କହିଥିଲେ l ସମ୍ମାନିତ ଅତିଥି ଭାବେ କାର୍ଯ୍ୟନିର୍ବାହୀ ଯନ୍ତ୍ରୀ ତାପସ କୁମାର ଦାଶ,ଛତ୍ରପୁର ଏବିଡ଼ିଓ ସୁଧାଂଶୁ ଶେଖର ତରେଇ,ରାଜସ୍ୱ ସୁପରଭାଇଜର ଇତିମୟୀ ବେହେରା,ଏଏଫଓ ଡ଼ି.ମଲ୍ଲିକ,ଚମାଖଣ୍ଡି ଥାନା ଏଏସଆଇ ପରମେଶ୍ୱର ମଲ୍ଲିକ,ଓଡ୍ରାଫ ହାବିଲଦାର ନିର୍ମଳ କୁମାର ବେହେରା,ଏସ ଡ଼ି ଏମ ମୋହନା ଜଯାତି କିଶୋର ନନ୍ଦି ପ୍ରମୁଖ ଉପସ୍ଥିତ ରହି ବିପର୍ଯ୍ୟୟ ପୂର୍ଵ ଓ ପରବର୍ତ୍ତୀ ସମୟରେ ଅଗ୍ନିଶମ ବିଭାଗର,ଆରକ୍ଷୀ ବିଭାଗର,ରାଜସ୍ୱ ବିଭାଗର,ଓଡ୍ରାଫର କାର୍ଯ୍ୟ,ଜଙ୍ଗଲ ବିଭାଗର ଭୂମିକା ଓ ଦାୟିତ୍ୱ ଉପରେ ନିଜ ନିଜ ମତ ରଖିଵା ସହ ଡେମୋ ପଦର୍ଶନ କରାଇଥିଲେ l ଏହି କାର୍ଯ୍ୟକ୍ରମକୁ ଏସ ଡ଼ି ଏମ ଖଲ୍ଲିକୋଟ ମନୋଜ କୁମାର ସାହୁ ସଭା ପରିଚାଳନା କରିଥିବା ବେଳେ ବ୍ରହ୍ମପୁର ଏସ ଡ଼ି ଏମ ଟାଇଟନ ସେଠୀ ଧନ୍ୟବାଦ ଅର୍ପଣ କରିଥିଲେ l ଏଥିରେ ବନ ଉନ୍ନୟନ ନିଗମର ଅଧିକାରୀ ଓ କର୍ମଚାରୀ,କାଠ ବ୍ୟବସାୟୀ,ଗଛ କଟାଳି,ସ୍ବେଛାସେବୀ ପ୍ରମୁଖ ଉପସ୍ଥିତ ଥିଲେ l
