jmjnewso
ଜେଏମଜେ ବ୍ୟୁରୋ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ମନ୍ତ୍ରିମଣ୍ଡଳ ସମ୍ପ୍ରସାରଣକୁ ନେଇ ରାଜନୈତିକ ଚର୍ଚ୍ଚା ଜୋର ଧରିଥିବା ବେଳେ ସୋମବାର ନୂଆ ଟିମ୍ ଘୋଷଣା କରିଛି ଭାରତୀୟ ଜନତା ପାର୍ଟି । ରାଷ୍ଟ୍ରୀୟ ଅଧ୍ୟକ୍ଷ ନିତିନ ନବୀନଙ୍କ ନୂଆ ଟିମ୍ରେ ୧୩ ଜଣ ରାଷ୍ଟ୍ରୀୟ ଉପାଧ୍ୟକ୍ଷ ରହିଛନ୍ତି । ଓଡ଼ିଶାରୁ କେନ୍ଦ୍ରାପଡା ସାଂସଦ ବୈଜୟନ୍ତ ପଣ୍ଡା ପୁଣି ରାଷ୍ଟ୍ରୀୟ ଉପାଧ୍ୟକ୍ଷ ହୋଇଥିବା ବେଳେ ପୁରୀ ସାଂସଦ ସମ୍ବିତ ପାତ୍ରଙ୍କୁ ଉତ୍ତର-ପୂର୍ବ ସଂଯୋଜକ ଦାୟିତ୍ବ ମିଳିଛି ।ତେବେ ନିତିନ ନବୀନଙ୍କ ନୂଆ ଟିମ୍ ଘୋଷଣା ହେବା ପରେ ଏବେ ମନ୍ତ୍ରିମଣ୍ଡଳ ସମ୍ପ୍ରସାରଣ ହେବା ନେଇ ଜୋର୍ ଧରିଛି ଚର୍ଚ୍ଚା । ମୋଦି ସରକାରଙ୍କ ୩ୟ ପାଳିରେ ପ୍ରଥମ ଥର ପାଇଁ ମନ୍ତ୍ରିମଣ୍ଡଳ ସମ୍ପ୍ରସାରଣ ନେଇ ଚର୍ଚ୍ଚା ଜୋର୍ ଧରିଥିବା ବେଳେ ଓଡ଼ିଶାରୁ କେଉଁ ସାଂସଦଙ୍କୁ କେନ୍ଦ୍ରରେ ମନ୍ତ୍ରୀ ପଦ ମିଳିପାରେ, ତାକୁ ନେଇ ମଧ୍ୟ ଆଲୋଚନା ଚାଲିଛି । ଏହି ଚର୍ଚ୍ଚାରେ ମନମୋହନ ସାମଲ, ଅପରାଜିତା ଷଡ଼ଙ୍ଗୀ, ସୁକାନ୍ତ ପାଣିଗ୍ରାହୀ, ପ୍ରଦୀପ ପୁରୋହିତ ଓ ନବଚରଣ ମାଝୀଙ୍କ ନାଁ ରହିଛି । ତେବେ ଏହା ଏବେ ଚର୍ଚ୍ଚା ଓ ସମ୍ଭାବନା ମଧ୍ୟରେ ସୀମିତ ରହିଛି । ବର୍ତ୍ତମାନର କେନ୍ଦ୍ରୀୟ ମନ୍ତ୍ରିମଣ୍ଡଳ ତାଲିକାରେ ମଧ୍ୟ ଏହି ପାଞ୍ଚ ଜଣଙ୍କ ନାଁ ନାହିଁ । ଓଡ଼ିଶାରୁ ୨ ରୁ ୩ ଜଣ ସାଂସଦ କେନ୍ଦ୍ର ମନ୍ତ୍ରିମଣ୍ଡଳରେ ସାମିଲ ହୋଇପାରନ୍ତି ବୋଲି ଚର୍ଚ୍ଚା ହେଉଛି ।
ରାଜ୍ୟ ବିଜେପି ସଭାପତି ତଥା ରାଜ୍ୟସଭା ସାଂସଦ ମନମୋହନ ସାମଲଙ୍କ ନାଁ ମନ୍ତ୍ରୀ ରେସ୍ରେ ଆଗରେ ରହିଥିବା ଚର୍ଚ୍ଚା ହେଉଛି । ରାଜ୍ୟ ସଂଗଠନରେ ତାଙ୍କର ଦୀର୍ଘ ଅଭିଜ୍ଞତା ରହିଥିବା ବେଳେ ଗତ ବିଧାନସଭା ନିର୍ବାଚନରେ ପ୍ରମୁଖ ଭୂମିକା ତୁଲାଇଥିଲେ ମନମୋହନ । ଓଡ଼ିଶାରେ ବିଜେପିକୁ ଶକ୍ତିଶାଳୀ କରିବାରେ ତାଙ୍କର ବିଶେଷ ଭୂମିକା ରହିଥିବା ବେଳେ ତାଙ୍କୁ କେନ୍ଦ୍ରରେ ଦାୟିତ୍ୱ ମିଳିପାରେ ବୋଲି ଆଲୋଚନା ହେଉଛି ।
ମନମୋହନ ସାମଲ:
ରାଜ୍ୟ ବିଜେପି ସଭାପତି ତଥା ରାଜ୍ୟସଭା ସାଂସଦ ମନମୋହନ ସାମଲଙ୍କ ନାଁ ମନ୍ତ୍ରୀ ରେସ୍ରେ ଆଗରେ ରହିଥିବା ଚର୍ଚ୍ଚା ହେଉଛି । ରାଜ୍ୟ ସଂଗଠନରେ ତାଙ୍କର ଦୀର୍ଘ ଅଭିଜ୍ଞତା ରହିଥିବା ବେଳେ ଗତ ବିଧାନସଭା ନିର୍ବାଚନରେ ପ୍ରମୁଖ ଭୂମିକା ତୁଲାଇଥିଲେ ମନମୋହନ । ଓଡ଼ିଶାରେ ବିଜେପିକୁ ଶକ୍ତିଶାଳୀ କରିବାରେ ତାଙ୍କର ବିଶେଷ ଭୂମିକା ରହିଥିବା ବେଳେ ତାଙ୍କୁ କେନ୍ଦ୍ରରେ ଦାୟିତ୍ୱ ମିଳିପାରେ ବୋଲି ଆଲୋଚନା ହେଉଛି ।
ଅପରାଜିତା ଷଡ଼ଙ୍ଗୀ:
ଭୁବନେଶ୍ୱରରୁ ଲୋକସଭା ସଦସ୍ୟ ଅପରାଜିତା ଷଡ଼ଙ୍ଗୀ ମଧ୍ୟ କେନ୍ଦ୍ରରେ ମନ୍ତ୍ରୀ ରେସ୍ରେ ରହିଛନ୍ତି । ସଂସଦୀୟ ଅଭିଜ୍ଞତା ଓ ପ୍ରଶାସନିକ ପୃଷ୍ଠଭୂମି ତାଙ୍କୁ ଅନ୍ୟମାନଙ୍କ ଠାରୁ ଅଲଗା କରିଛି । ତେଣୁ ତାଙ୍କୁ କେନ୍ଦ୍ରୀୟ ଦାୟିତ୍ୱ ମିଳିବ କି ନାହିଁ, ତାହା ନେଇ ଚର୍ଚ୍ଚା ଚାଲିଛି ।
ସୁକାନ୍ତ ପାଣିଗ୍ରାହୀ:
କନ୍ଧମାଳ ଲୋକସଭା ଆସନରୁ ନିର୍ବାଚିତ ସୁକାନ୍ତ ପାଣିଗ୍ରାହୀଙ୍କ ନାଁ ମଧ୍ୟ ମନ୍ତ୍ରୀ ଦୌଡ଼ରେ ଚର୍ଚ୍ଚା ହେଉଛି । ଓଡ଼ିଶାର ଆଦିବାସୀ ଓ ପଛୁଆ ଅଞ୍ଚଳର ପ୍ରତିନିଧିତ୍ୱ ଦୃଷ୍ଟିରୁ ତାଙ୍କୁ ସୁଯୋଗ ମିଳିପାରେ ବୋଲି ଚର୍ଚ୍ଚା ହେଉଛି ।
ପ୍ରଦୀପ ପୁରୋହିତ:
ବରଗଡ଼ ଅଞ୍ଚଳର ରାଜନୀତିରେ ସକ୍ରିୟ ପ୍ରଦୀପ ପୁରୋହିତଙ୍କ ନାଁକୁ ନେଇ ମଧ୍ୟ ଚର୍ଚ୍ଚା ରହିଛି । ଦଳୀୟ ସଂଗଠନ ଓ ରାଜ୍ୟ ରାଜନୀତିରେ ତାଙ୍କ ଅଭିଜ୍ଞତାକୁ ଦୃଷ୍ଟିରେ ରଖି କେନ୍ଦ୍ରରେ ଦାୟିତ୍ୱ ମିଳିବାର ସମ୍ଭାବନା ନେଇ ଆଲୋଚନା ହେଉଛି ।
ନବଚରଣ ମାଝୀ:
ଆଦିବାସୀ ଅଞ୍ଚଳର ପ୍ରତିନିଧିତ୍ୱ ଓ ରାଜନୈତିକ ସମୀକରଣ ଦୃଷ୍ଟିରୁ ନବଚରଣ ମାଝୀଙ୍କ ନାଁ ମଧ୍ୟ ଚର୍ଚ୍ଚାରେ ରହିଛି । ମୟୂରଭଞ୍ଜ ସାଂସଦ ନବଚରଣ ମାଝୀ ଜଣେ ଗ୍ରାସ୍ ରୁଟ୍ ଲିଡର ହୋଇଥିବା ବେଳେ ରାଷ୍ଟ୍ରପତିଙ୍କ ଜିଲ୍ଲାରୁ ପ୍ରତିନିଧିତ୍ବ କରୁଛନ୍ତି ।
ତେବେ ଏହି ପାଞ୍ଚ ନେତାଙ୍କ ମଧ୍ୟରୁ କାହାକୁ ମନ୍ତ୍ରୀ କରାଯିବ, ସେ ନିଷ୍ପତ୍ତି ଦଳର ଶୀର୍ଷ ନେତୃତ୍ୱ ନେବେ । ତେଣୁ ଚର୍ଚ୍ଚା ଭିତରେ ଓଡ଼ିଶାରୁ ମୋଦିଙ୍କ ଟିମ୍ରେ କିଏ ସ୍ଥାନ ପାଉଛନ୍ତି, ଏବେ ସମସ୍ତଙ୍କ ନଜର ସେହି ନିଷ୍ପତ୍ତି ଉପରେ ।
