jmjnewso
ବୌଦ୍ଧ : ଜେଏମଜେ ନ୍ୟୁଜ : (ପୂର୍ଣ୍ଣ ଚରଣ ସାହୁ )ବୌଦ୍ଧ ଜିଲ୍ଲା ଅଣଗେଜେଟେଡ କର୍ମଚାରୀ ସମନ୍ଵୟ ସମିତିର ଏକ ଜରୁରୀ ବୈଠକ ସଭାପତି ଜିତେନ୍ଦ୍ର କୁମାର ମିଶ୍ରଙ୍କ ଅଧ୍ୟକ୍ଷତାରେ ଅନୁଷ୍ଠିତ ହୋଇ ଯାଇଛି। ଏଥିରେ ସମିତି ସହ ଅନୁବନ୍ଧିତ ବିଭିନ୍ନ କର୍ମଚାରୀ ସଂଗଠନର କର୍ମକର୍ତ୍ତା ଯୋଗଦେଇ ସାଧାରଣ ଅଧିବେଶନକୁ ସୂଚାରୁ ରୁପେ ସମ୍ପାଦନ କରିବା ପାଇଁ ବିଭିନ୍ନ ପ୍ରସ୍ତାବ ଗୁଡିକ ଉପରେ ଆଲୋଚନା କରଯାଇଥିଲା। ଏହି ସାଧାରଣ ଅଧିବେଶନରେ ସରକାରୀ ଦଳ ମୁଖ୍ୟ ସଚେତକ ସରୋଜ କୁମାର ପ୍ରଧାନ, କଣ୍ଟାମାଳ ବିଧାୟକ କହ୍ନେଇ ଚରଣ ଡ଼।ଙ୍ଗ, କନ୍ଧମାଳ ସାଂସଦ ସୁକାନ୍ତ ପାଣିଗ୍ରାହୀ, ଜିଲ୍ଲାପାଳ ବିଭୁତି ଭୁଷଣ ନାଏକ ଏଵଂ ଜିଲ୍ଲା ସ୍ତରୀୟ ଅଧିକାରୀ ମାନେ ଯୋଗଦେବା ପାଇଁ ସମ୍ମତି ପ୍ରଦାନ କରିଥିବା କାର୍ଯ୍ୟକାରୀ ସଭାପତି ଶମ୍ଭୁ ଗିରି ପ୍ରକାଶ କରିଥିଲେ। ସାଧାରଣ ସଂପାଦକ ତାପସ କୁମାର ମିଶ୍ର ସାଧାରଣ ଅଧିବେଶନ ପାଇଁ ବ୍ୟୟ ଅଟକଳ ସହ ବିଭିନ୍ନ କମିଟି ଗଠନ କରିବ।କୁ ପ୍ରସ୍ତାବ ଦେଇଥିଲେ। ଏହା ଉପରେ ସବିଶେଷ ଆଲୋଚନା ପରେ ବିଭିନ୍ନ କର୍ମଚାରୀ ସଂଗଠନର କର୍ମକର୍ତ୍ତା ମାନଙ୍କୁ ନେଇ ଅଭ୍ୟର୍ଥନା କମିଟି, ଅତିଥି ଯୋଗାଯୋଗ ଓ ସମ୍ବର୍ଧନା କମିଟି, ନିମନ୍ତ୍ରଣ ପତ୍ର ଓ ବଣ୍ଟନ,ପଞ୍ଜିକରଣ, ମଞ୍ଚ ସାଜସଜ୍ଜା ଓ ପରିଚାଳନା, ଖାଦ୍ୟ ପ୍ରସ୍ତୁତି, ମିଡ଼ିଆ ଯୋଗାଯୋଗ ଓ ବ୍ୟବସ୍ଥାପ ନା, ଶୃଙ୍ଖଳା କମିଟି ଗଠନ କରାଗଲା।ଆସନ୍ତା ୩୦ ତାରିଖରେ ହେବାକୁ ଥିବା ସାଧାରଣ ବୈଠକକୁ ସଫଳ କରିବା ପାଇଁ ସମସ୍ତ କର୍ମଚାରୀ ଯୋଗ ଦେବାକୁ ଅଧ୍ୟକ୍ଷ ରାଜେନ୍ଦ୍ର ମହାପାତ୍ର ଅନୁରୋଧ କରିଥିଲେ। ଏହା ପରେ ସଂଗଠନର ସମସ୍ତ କର୍ମକର୍ତ୍ତା ଅତିଥି ଭବନରେ ମାନ୍ୟବର ସାଂସଦ ସୁକାନ୍ତ କୁମାର ପାଣିଗ୍ରାହୀଙ୍କୁ ସାକ୍ଷାତ କରି ଏନ ଜି ଓ ସି ସି ର କାର୍ଯକ୍ରମ ତଥା ବିଭିନ୍ନ ସମସ୍ୟା ଓ ତାର ସମାଧାନ ପାଇଁ ଆଲୋଚନା କରିଥିଲେ। ସାଂସଦ କର୍ମଚାରୀ ମାନଙ୍କ ବିଭିନ୍ନ ସମସ୍ୟାର ସମାଧାନ ପାଇଁ ପ୍ରତିଶ୍ରୁତି ଦେଇଥିଲେ। ଏହି ଆଲୋଚନାରେ ଉପ ସଭାପତି ସଞ୍ଜୀବ ପଣ୍ଡା, ଅନିଲ କୁମାର ପ୍ରଧାନ, ନବ କିଶୋର ଦୀପ, ସଂସାର ଅମାତ, ପ୍ରଶାନ୍ତ କୁମାର ପାଣିଗ୍ରାହୀ, ରାଜ କୁମାର ପ୍ରଧାନ, ଡମ୍ୱରୁ ଧର ବେହେରା, ସୁଭାସିସ ଶତପଥୀ, ଅନିତା ହୋତା, ଦ୍ରୌପଦୀ ମଲ୍ଲିକ, ସ୍ନାନକୀ ରେଖା ମିଶ୍ର ପ୍ରମୁଖ ଉପସ୍ଥିତ ଥିଲେ।
