jmjnewso
ଭୁବନେଶ୍ୱର:ଜେଏମଜେ ନ୍ୟୁଜ : MMDR ସଂଶୋଧନ ଆଇନ ପ୍ରତ୍ୟାହାର ଦାବିରେ ଆସନ୍ତା ସେପ୍ଟେମ୍ବର ୨୮ରେ ଭୁବନେଶ୍ୱର ଲୋୟର ପିଏମ୍ଜିରେ ବିଶାଳ ବିକ୍ଷୋଭ କରିବ ବିଜୁ ଜନତା ଦଳ (ବିଜେଡି)। ଗୁରୁବାର ଏକ ସାମ୍ବାଦିକ ସମ୍ମିଳନୀରେ ବରିଷ୍ଠ ବିଜେଡି ନେତା ଦେବୀ ପ୍ରସାଦ ମିଶ୍ର ଏହି ସୂଚନା ଦେଇଛନ୍ତି।ଦେବୀ ମିଶ୍ର କହିଛନ୍ତି, ବିଜେଡି ସୁପ୍ରିମୋ ତଥା ଓଡ଼ିଶା ବିଧାନସଭାର ବିରୋଧୀ ଦଳ ନେତା ନବୀନ ପଟ୍ଟନାୟକ ଏହି ଆନ୍ଦୋଳନର ନେତୃତ୍ୱ ନେବେ।
MMDR ସଂଶୋଧନ ଆଇନ ଆସିବା ଦିନଠାରୁ ବିଜେଡି ଏହାକୁ ବିରୋଧ କରିଆସୁଛି। ଦଳର ଅଭିଯୋଗ ହେଉଛି, ଏହି ସଂଶୋଧନ ଆଇନ ଖଣି ଓ ଖଣିଜ ସମ୍ପଦ ଥିବା ଜମି ଉପରେ ରାଜ୍ୟଗୁଡ଼ିକର ଅଧିକାରକୁ କମାଇ ଦେଉଛି। ଏହା ଦେଶର ସଂଘୀୟ ବ୍ୟବସ୍ଥାକୁ ମଧ୍ୟ ପ୍ରଭାବିତ କରୁଛି ବୋଲି ବିଜେଡି କହିଛି।୨୦୨୪ ଜୁଲାଇ ୨୫ରେ ସୁପ୍ରିମକୋର୍ଟର ୯ ଜଣିଆ ସାମ୍ବିଧାନିକ ଖଣ୍ଡପୀଠ ଦେଇଥିବା ରାୟକୁ ଉଲ୍ଲେଖ କରି ପ୍ରତାପ ଜେନା କହିଛନ୍ତି ଯେ, ଖଣି ଓ ଖଣିଜ ସମ୍ପଦ ଉପରେ ରାଜ୍ୟ ସରକାର ଟିକସ ଲାଗୁ କରିପାରିବେ ବୋଲି କୋର୍ଟ କହିଥିଲେ।
୨୦୨୪ ଜୁଲାଇ ୨୫ରେ ସୁପ୍ରିମକୋର୍ଟର ୯ ଜଣିଆ ସାମ୍ବିଧାନିକ ଖଣ୍ଡପୀଠ ଦେଇଥିବା ରାୟକୁ ଉଲ୍ଲେଖ କରି ପ୍ରତାପ ଜେନା କହିଛନ୍ତି ଯେ, ଖଣି ଓ ଖଣିଜ ସମ୍ପଦ ଉପରେ ରାଜ୍ୟ ସରକାର ଟିକସ ଲାଗୁ କରିପାରିବେ ବୋଲି କୋର୍ଟ କହିଥିଲେ।ସଂଶୋଧିତ ଆଇନକୁ ନେଇ ବିଜେଡି ପକ୍ଷରୁ ଲଗାତାର ବିରୋଧ ଓ ଅଭିଯାନ ଚାଲିଛି। ଏହି ଆଇନ ପ୍ରତ୍ୟାହାର ଦାବିକୁ ଆହୁରି ଜୋରଦାର କରିବା ପାଇଁ ସେପ୍ଟେମ୍ବର ୨୮ରେ ଲୋୟର ପିଏମ୍ଜିରେ ବିକ୍ଷୋଭ କରିବାକୁ ଦଳ ନିଷ୍ପତ୍ତି ନେଇଛି।
