ପ୍ରତିବାଦ ବେଳେ ମହିଳା କର୍ମୀଙ୍କ ପ୍ରତି ପୋଲିସ ଦୁର୍ବ୍ୟବହାର ଅଭିଯୋଗ, କଂଗ୍ରେସର ରାସ୍ତାରୋକ

ଭୁବନେଶ୍ୱର : ଜେଏମଜେ ନ୍ୟୁଜ : ବିଧାନସଭା ଘେରାଉ ବେଳେ ମହିଳା କଂଗ୍ରେସ କର୍ମୀଙ୍କ ପ୍ରତି ପୋଲିସ ଦୁର୍ବ୍ୟବହାର କରିଥିବା ଅଭିଯୋଗ ନେଇ ଜୟଦେବ ବିହାର ରୋଡ଼ରେ ରାସ୍ତାରୋକ । କଂଗ୍ରେସ କର୍ମୀମାନେ ପୋଲିସ କମିଶନରେଟ ରିଜର୍ଭ ଅଫିସ ଅଫିସ ସାମ୍ନାରେ ଗାଡ଼ି ରଖି ରାସ୍ତା ଅବରୋଧ କରି ବିକ୍ଷୋଭ ପ୍ରଦର୍ଶନ କରିଛନ୍ତି।ଏହି ଆନ୍ଦୋଳନରେ ବିଧାୟକ ତାରାବାହିନୀ ପତି ଓ ପ୍ରବୀର ସାହୁ ସାମିଲ ହୋଇ ସରକାର ଓ ପୋଲିସ ପ୍ରଶାସନ ବିରୋଧରେ ନାରାବାଜି କରିଥିଲେ।

ପ୍ରତିବାଦକାରୀ ଅଭିଯୋଗ କରିଛନ୍ତି ଯେ ଶାନ୍ତିପୂର୍ଣ୍ଣ ବିକ୍ଷୋଭ ବେଳେ ମହିଳା କର୍ମୀଙ୍କ ସହ ପୋଲିସ ଦୁର୍ବ୍ୟବହାର କରିଥିଲା। ଏହାର ପ୍ରତିବାଦରେ ସେମାନେ ରାସ୍ତାରେ ଗାଡ଼ି ରଖି ଅବରୋଧ କରିଛନ୍ତି।ରାସ୍ତାରୋକ ଯୋଗୁଁ କିଛି ସମୟ ପାଇଁ ଜୟଦେବ ଅଞ୍ଚଳରେ ଯାତାୟାତ ପ୍ରଭାବିତ ହୋଇଛି । ପରେ ପୋଲିସ ଘଟଣାସ୍ଥଳରେ ପହଞ୍ଚି ଆଲୋଚନା କରିଛି।