jmjnewso
କୋଦଳା: ଜେଏମଜେ ନ୍ୟୁଜ : (କୃଷ୍ଣ ଚନ୍ଦ୍ର ପଲେଇ ): ବିକାଶର କଥା କହୁଛନ୍ତି ଲୋକ ପ୍ରତିନିଧି, ହେଲେ ପୁରାତନ ମନ୍ଦିରକୁ ଯିବା ପାଇଁ ଆଜି ବି ନାହିଁ ପକ୍କା ରାସ୍ତା ! ଏହା କ’ଣ ବିକାଶର ନମୁନା, ନା ଲୋକଙ୍କ ସମସ୍ୟା ପ୍ରତି ଅଣଦେଖା ? ଏଭଳି ପ୍ରଶ୍ନ ଉଠୁଛି ଗଞ୍ଜାମ ଜିଲ୍ଲା ବେଗୁନିଆପଡ଼ା ବ୍ଲକ୍ର କୁମ୍ଭାରଗାଁ ପଞ୍ଚାୟତ ଅନ୍ତର୍ଗତ ମାଳ ବେଲପଡ଼ା ସ୍ଥିତ ପୁରାତନ ମା’ କାଳୀ ମନ୍ଦିର ରାସ୍ତାକୁ ନେଇ । ମା’ କାଳୀଙ୍କ ଏହି ପୁରାତନ ମନ୍ଦିରକୁ ଦର୍ଶନ ପାଇଁ ଆସୁଥିବା ଭକ୍ତମାନେ ପକ୍କା ରାସ୍ତା ନଥିବାରୁ ଯାତାୟାତରେ ହଇରାଣ ହେଉଛନ୍ତି। ଦୀର୍ଘଦିନ ଧରି ଏହି ସମସ୍ୟା ରହିଥିଲେ ମଧ୍ୟ ରାସ୍ତା ନିର୍ମାଣ ଦିଗରେ ଆଖିଦୃଶିଆ ପଦକ୍ଷେପ ନିଆଯାଉନଥିବା ନେଇ ଅସନ୍ତୋଷ ପ୍ରକାଶ ପାଉଛି। ନିର୍ବାଚନ ସମୟରେ ବିକାଶର ପ୍ରତିଶ୍ରୁତି ଦେଉଥିବା ଲୋକ ପ୍ରତିନିଧିମାନେ ଏହି ସମସ୍ୟା ପ୍ରତି କେବେ ଦୃଷ୍ଟି ଦେବେ? ସେହିପରି ସମ୍ପୃକ୍ତ ବିଭାଗୀୟ ଅଧିକାରୀ ଓ ପ୍ରଶାସନ କାହିଁକି ଏଯାଏଁ ରାସ୍ତା ନିର୍ମାଣ ପାଇଁ ଠୋସ୍ ପଦକ୍ଷେପ ନେଇନାହାନ୍ତି ? ଏହି ପ୍ରଶ୍ନ ଏବେ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ। ବିକାଶ କେବଳ ଭାଷଣ ଓ ପ୍ରତିଶ୍ରୁତିରେ ସୀମିତ ରହିଲେ ଚଳିବ ନାହିଁ; ତାହା ଲୋକଙ୍କ ଜୀବନରେ ପ୍ରତିଫଳିତ ହେବା ଦରକାର । ତେଣୁ ଲୋକ ପ୍ରତିନିଧି, ପ୍ରଶାସନ ଓ ସମ୍ପୃକ୍ତ ବିଭାଗ ତୁରନ୍ତ ଏହି ରାସ୍ତା ସମସ୍ୟାର ସମାଧାନ କରି ପକ୍କା ରାସ୍ତା ନିର୍ମାଣ ପାଇଁ ପଦକ୍ଷେପ ନେବାକୁ ଜନସାଧାରଣ ଦାବି କରିଛନ୍ତି ।
