jmjnewso
ବ୍ରହ୍ମପୁର: ଜେଏମଜେ ନ୍ୟୁଜ (ତପେନ୍ଦ୍ର ଡାକୁଆ ):
ଗଞ୍ଜାମ ଜିଲ୍ଲା ବ୍ରହ୍ମପୁର ସହରର ବଡ଼ବଜାର ଥାନା ଅନ୍ତର୍ଗତ ରାଜା ସାହି ଛକ ନିକଟରେ ଚାଲିଥିବା ଏକ ଜୁଆ ଆଡ୍ଡା ଉପରେ ପୋଲିସ ଚଢ଼ାଉ କରି ୧୫ ଜଣଙ୍କୁ ଅଟକ ରଖିଛି। ଏହି ଚଢ଼ାଉ ସମୟରେ ପୋଲିସ ନଗଦ ୫୦ ହଜାର ୭୨୦ ଟଙ୍କା ସମେତ ମୋବାଇଲ୍ ଫୋନ୍, ମୋଟରସାଇକେଲ୍ ଓ ତାସ୍ ପତା ଜବତ କରିଛି।
ସୂଚନା ଅନୁଯାୟୀ, ଗତ ୨୦ ତାରିଖ ରାତି ପ୍ରାୟ ୧୦ଟା ୨୦ ମିନିଟ୍ ସମୟରେ ରାଜା ସାହି ଛକ ନିକଟସ୍ଥ ସୂର୍ଯ୍ୟ ଲରି ଗୋଦାମ ପଛପଟେ ଜୁଆ ଖେଳ ଚାଲିଥିବା ନେଇ ବଡ଼ବଜାର ପୋଲିସ ଖବର ପାଇଥିଲା। ଏହାପରେ ପୋଲିସ ସେଠାରେ ଚଢ଼ାଉ କରିଥିଲା। ପୋଲିସକୁ ଦେଖି ଉପସ୍ଥିତ ବ୍ୟକ୍ତିମାନେ ଖସି ପଳାଇବାକୁ ଉଦ୍ୟମ କରିଥିବା ବେଳେ ୧୫ ଜଣଙ୍କୁ ଅଟକ ରଖାଯାଇଥିଲା।
ଚଢ଼ାଉ ସମୟରେ ପୋଲିସ ୫୦,୭୨୦ ଟଙ୍କା ନଗଦ, ୯ଟି ମୋବାଇଲ୍ ଫୋନ୍, ୪ଟି ମୋଟରସାଇକେଲ୍ ଏବଂ ୨ ସେଟ୍ ତାସ୍ ପତା ଜବତ କରିଛି। ଏହି ଘଟଣାରେ ବଡ଼ବଜାର ଥାନାରେ କେସ୍ ନଂ ୮୦୧, ତାରିଖ ୨୧.୧୦.୨୦୨୬ରେ ମାମଲା ରୁଜୁ ହୋଇଛି। ଘଟଣାରେ ଅଧିକ ତଦନ୍ତ ଜାରି ରହିଥିବା ଜଣାପଡ଼ିଛି।
