jmjnewso
ଜେଏମଜେ ବ୍ୟୁରୋ :(ମୁନି ଶତପଥୀଙ୍କ ରିପୋର୍ଟ): ୧୭୮୦ ମସିହା ନଭେମ୍ବର ମାସ ୧୩ ତାରିଖରେ ପଞ୍ଜାବ ମାଟି ରଣଜିତ୍ ସିଂହ ରୂପରେ ଜଣେ ବୀର ପୁତ୍ରଙ୍କୁ ଜନ୍ମ ଦେଇଥିଲା, ଯେଉଁ ବୀର ପୁତ୍ର ଦିନେ ଶିଖ ସାମ୍ରାଜ୍ୟ ପ୍ରତିଷ୍ଠା କରିଥିଲେ ଓ ଶିଖ ସାମ୍ରାଜ୍ୟର ପ୍ରଥମ ମହାରାଜା ଭାବେ ଉନ୍ନତ ଶାସନ ପ୍ରଦାନ କରିଥିଲେ । ରଣଜିତ୍ ସିଂହଙ୍କ ଗୋଟେ ଆଖି ନଥିଲା, କିନ୍ତୁ ସେ ଥିଲେ ଅଦ୍ୱିତୀୟ ଯୋଦ୍ଧା । ତାଙ୍କ ସଂକ୍ଷିପ୍ତ ଜୀବନ କାଳ ମଧ୍ୟରେ ସେ ଦୁରାନୀ ସାମ୍ରାଜ୍ୟକୁ ପରାଜୟର ସ୍ବାଦ ଚଖାଇ ଥିଲେ, ସେ ମୁଲତାନ୍, କାଶ୍ମୀର ସହ ପେଶାୱାର ଉପତ୍ୟକାକୁ ଦଖଲ କରି ନିଜ ସାମ୍ରାଜ୍ୟରେ ମିଶାଇଥିଲେ । ସେ ଗୁର୍ଜନୱାଲା ( ବର୍ତ୍ତମାନ ପାକିସ୍ତାନରେ) ଜନ୍ମଗ୍ରହଣ କରିଥିବା ବେଳେ ସେ ଲାହୋର( ବର୍ତ୍ତମାନ ପାକିସ୍ତାନରେ)ର ମଧ୍ୟ ମହାରାଜା ଥିଲେ ଓ ଲାହୋରରେ ମୃତ୍ୟୁବରଣ କରିଥିଲେ । ଶିଖ ସାମ୍ରାଜ୍ୟର ପ୍ରତିଷ୍ଠାତା ରଣଜିତ୍ ସିଂହଙ୍କ ଜନ୍ମ ଓ ମୃତ୍ୟୁ ସ୍ଥଳ ବର୍ତ୍ତମାନ ପାକିସ୍ତାନରେ ଥିବା ବେଳେ ଶିଖ ଧର୍ମର ପ୍ରତିଷ୍ଠାତା ଗୁରୁ ନାନକଙ୍କ ଜନ୍ମସ୍ଥାନ ନାନକାନା ସାହିବ ଓ ମୃତ୍ୟୁ ସ୍ଥାନ କର୍ତ୍ତାରପୁର ଉଭୟ ପାକିସ୍ତାନରେ । ତେବେ ବର୍ତ୍ତମାନ ନିଜକୁ ଶିଖ କହି କିଛି ପାରାସାଇଟ ଭାରତ ଭିତରେ ଶିଖ ହୋମଲ୍ୟାଣ୍ଡ ବା ଖଲିସ୍ତାନ ସ୍ବପ୍ନ ଦେଖୁଥିବା ବେଳେ ଶିଖ ଧର୍ମର ପବିତ୍ର ସ୍ଥାନ ନାନକାନା ସାହିବ ଓ କର୍ତ୍ତାରପୁର ସହ ଶିଖ ସାମ୍ରାଜ୍ୟର ଗୌରବାବହ ଇତିହାସ ସହ ଜଡ଼ିତ ଗୁର୍ଜନୱାଲା ଓ ଲାହୋରରେ ଶିଖ ଐତିହ୍ୟର ପୁନରୁଦ୍ଧାର ପାଇଁ ଉଦ୍ୟମ ନକରି ଭାରତ ବିରୋଧୀ କାର୍ଯ୍ୟକଳାପରେ ସାମିଲ ହେବା ପଛର ମନ୍ଦ ଉଦ୍ଦେଶ୍ୟ ଓ ଏହା ପଛରେ କେଉଁ ଶକ୍ତି ଅଛି, ତାହା ସ୍ପଷ୍ଟ ହେଇଯାଉଛି ।
