jmjnewso
ଭଞ୍ଜନଗର : ଜେଏମଜେ ନ୍ୟୁଜ (ପୁରୁଷୋତ୍ତମ ମହାପାତ୍ର ): ରୋଗୀ ଓ ରୋଗର ଉପଶମ ପାଇଁ ସରକାର ସବୁବେଳେ ଯତ୍ନବାନ,ଗୋଟାଏ ରୋଗୀ କିଭଳି ସୁସ୍ଥ ହେବ, ଉଚିତ ସେବା ପାଇବ ସେଥିପାଇଁ ସରକାର ଶହେ ଆଠ ଆମ୍ବୁଲାନ୍ସ ସେବା ବ୍ୟବସ୍ଥା କରିଛନ୍ତି।ରୋଗୀ ଙ୍କୁ ଆଣିବା ଓ ନେବା ପାଇଁ ଗୋଟାଏ ଗୋଟାଏ ଆମ୍ବୁଲାନ୍ସ ରେ ତିନିଜଣ କର୍ମଚାରୀ ନିଯୁକ୍ତ ହୋଇଥାନ୍ତି।ଏହି କର୍ମଚାରୀ ମାନେ ବର୍ଷା ଖରା ଶୀତ କୁ ଖାତିର ନ କରି ରୋଗୀ ସେବା ଯୋଗାଉଛନ୍ତି।ସେମାନଙ୍କ ର ସମସ୍ୟା ଅନେକ ଥାଇ ମଧ୍ୟ ନିଜ ଦାଇତ୍ୱ ଠିକ ରେ ତୁଳାଇଥାନ୍ତି।ଏହି ପରି କିଛି ଆମ୍ବୁଲାନ୍ସ କର୍ମଚାରୀ ଙ୍କୁ ଆଜି ଭଞ୍ଜନଗର ର ଅଗ୍ରଣୀ ତ୍ରିରଙ୍ଗା ମିଡ଼ିଆ ଓ ସାମାଜିକ ଅନୁଷ୍ଠାନ ସମ୍ମାନିତ କରିଛି।ଭଞ୍ଜନଗର ମେଡ଼ିକାଲ ରେ ଆଜି ନଅ ଜଣ ଆମ୍ବୁଲାନ୍ସ କର୍ମଚାରୀ ଙ୍କୁ ଉପଢୌକନ, ମାନ ପତ୍ର,ଶୁଖିଲା ଖାଦ୍ୟ ଓ ଉପହାର ଦେଇ ସମ୍ମାନିତ କରାଯାଇଛି।ଅନୁଷ୍ଠାନ ର ସଦସ୍ୟ ମାନେ ଭଞ୍ଜନଗର ମେଡ଼ିକାଲ ପରିସର ରେ ଆମ୍ବୁଲାନ୍ସ କର୍ମଚାରୀ ଙ୍କୁ ସେବା ସଂମ୍ମାନ ରେ ସମ୍ମାନିତ କରାଯାଇଛି।ସୂଚନାଯୋଗ୍ୟ ଯେ ଯେଉଁଠି କିଛି ଲୋକ କିଛି ନ କରି ସମ୍ମାନିତ ହେଉଛନ୍ତି ସେହିପରି ସ୍ଥଳେ ତ୍ରିରଙ୍ଗା ମିଡ଼ିଆ ସାମାଜିକ ଅନୁଷ୍ଠାନ ଏହିପରି ସେବା ଯୋଗାଇ ଆସୁଥିବା କର୍ମଚାରୀ ଙ୍କୁ ସମ୍ମାନିତ କରିଥିବାରୁ ଆମ୍ବୁଲାନ୍ସ କର୍ମଚାରୀ ଅନୁଷ୍ଠାନ କୁ ଧନ୍ୟବାଦ ଜଣାଇଛନ୍ତି।ଏହି ପରି ସେବା କରି ଆସୁଥିବା ବିଭିନ୍ନ ବର୍ଗର ବ୍ୟକ୍ତି ଵିଶେଷ ଙ୍କୁ ଆଗକୁ ସମ୍ମାନିତ କରିବ ବୋଲି ଅନୁଷ୍ଠାନ ର ସଦସ୍ୟ ମାନେ କହିଛନ୍ତି।
ରିପୋର୍ଟ. ପୁରୁଷୋତ୍ତମ ମହାପାତ୍ର
