jmjnewso
ଜେଏମଜେ ବ୍ୟୁରୋ : ପୋଲିସ ଉପସ୍ଥିତିରେ ତହସିଲଦାରଙ୍କୁ ମାଡ଼ । ମାଡ ମାରିବା ପରେ ଘୋଷାଡି ଘୋଷାଡି ନେଲେ ଉତ୍ତ୍ୟକ୍ତ ଲୋକ । ମୟୂରଭଞ୍ଜ ଜିଲ୍ଲା କୁଳିଅଣା ବ୍ଲକ ତିତିରି ଅଞ୍ଚଳରେ ଜବର ଦଖଲ ଉଚ୍ଛେଦକୁ ନେଇ ଉତ୍ତେଜନା । ତିତିରି ଅଞ୍ଚଳର ସରକାରୀ ଜାଗାରେ ଲୋକମାନେ ଦୀର୍ଘ ବର୍ଷ ହେଲା ଘର କରି ରହୁଥିଲେ । ଜିଲ୍ଲା ପ୍ରଶାସନ ପକ୍ଷରୁ ପ୍ରଥମ ପର୍ଯ୍ୟାୟରେ ୩୫ଟି ଘର ଭାଙ୍ଗିବାକୁ କୁହାଯାଇଥିଲା ।
ଆଜି ଜବରଦଖଲ ଉଚ୍ଛେଦ ପାଇଁ ଯାଇଥିବାବେଳେ ବିରୋଧ କରିଥିଲେ ଗ୍ରାମବାସୀ । ନିଆଁ ଜାଳି ୧୮ ନମ୍ବର ଜାତୀୟ ରାଜପଥ ଅବରୋଧ କରିଥିଲେ । ପରେ କୁଳିଅଣା ତହସିଲଦାରଙ୍କୁ ମାଡ ମାରିଥିଲେ ଉତ୍ତ୍ୟକ୍ତ ଲୋକ । ଘଟଣାସ୍ଥଳରେ ପହଂଚି ଲୋକଙ୍କୁ ବୁଝାସୁଝା କରୁଛି ପୋଲିସ । ଏବେ କୁଳିଅଣା ଥାନା ପରିସରରେ ଉତ୍ତେଜନା ଲାଗିରହିଛି ।
