ପ୍ରେସ୍ ୟୁନିଅନ ପକ୍ଷରୁ ସାମ୍ବାଦିକଙ୍କ ପରିବାରକୁ ଭତ୍ତା ପ୍ରଦାନ

ରାୟଗଡା : ଜେଏମଜେ ନ୍ୟୁଜ (ସୁପ୍ରିୟା ଷଡ଼ଙ୍ଗୀ ) ରାୟଗଡ ଜିଲ୍ଲା ର ଅଗ୍ରଣୀ ସାମ୍ବାଦିକ ସଂଘ ଭାବେ ପରିଚିତ ପ୍ରେସ୍ ୟୁନିଅନ ତରଫରୁ ମୃତ ସାମ୍ବାଦିକ ରାଜୀବ ଲୋଚନ ପଣ୍ଡା ଙ୍କ ଅସହାୟ ପିତା, ମାତାଙ୍କୁ ଭତ୍ତା ପ୍ରଦାନ କରାଯାଇଛି l ପ୍ରତ୍ୟକ ବର୍ଷ ଭଳି ଚଳିତ ବର୍ଷ ମଧ୍ୟ ୟୁନିଅନ ସଭାପତି ଇପିଲି ସର୍ବେଶ୍ୱର ରାଓ ଙ୍କ ନେତୃତ୍ୱ ରେ ଗୁମୁଡା ଖିଲିଙ୍ଗ ରାଇ ସ୍ଥିତ ପିତା ମାତାଙ୍କ ବାସଗୃହ ରେ ପହଂଚି ୧୧ ମାସର ୧୧ ହଜାର ଟଙ୍କା ପ୍ରଦାନ କରାଯାଇଛି।

ପ୍ରେସ୍ ୟୁନିଅନ ର ଭତ୍ତା ଭଳି ଯୁଗାନ୍ତ କାରୀ ପଦକ୍ଷେପ କୁ ସାଧାରଣ ରେ ବେସ୍ ପ୍ରଶଂସା କରାଯାଇଛି l ସାମ୍ବାଦିକ ମାନଙ୍କ କ୍ଷେତ୍ରରେ ରାଜ୍ୟ କିମ୍ବା କେନ୍ଦ୍ର ସାମ୍ବାଦିକ ଙ୍କ ମୃତ୍ୟୁ ପରେ ତାଙ୍କ ଅସହାୟ ପରିବାର କିମ୍ବା ପିତା ମାତାଙ୍କୁ କୌଣସି ମାସିକ ଭତ୍ତା ଵ୍ୟଵସ୍ଥା କରିନଥିବା ବେଳେ ପ୍ରେସ୍ ୟୁନିଅନ ରାୟଗଡ ପକ୍ଷରୁ ଭତ୍ତା ପ୍ରଦାନ କରାଯାଉଥିବାରୁ ସାମ୍ବାଦିକ ଙ୍କ ମହଲରେ ଆଶା ର କିରଣ ଜାଗ୍ରତ ହୋଇଛି।

ୟୁନିଅନ ସାଧାରଣ ସମ୍ପାଦକ ଶିବାଜୀ ଦାଶ କହିଛନ୍ତି ୟୁନିଅନ ଏକ ପରିବାର , ପରିବାର ଭିତରେ ଯେକୌଣସି ସଭ୍ୟର ଅସହାୟ ସମୟରେ ଆମ ଏକତା ସଂଗଠନ କୁ ସଦୃଢ କରିଛି l ପ୍ରତ୍ୟକ ସଭ୍ୟଙ୍କ ଅସହାୟ ପଛରେ ୟୁନିଅନ ପାଚେରୀ ଭଳି ସୁରକ୍ଷା ଦେବାକୁ ପ୍ରୟାସ ରତ l ଆମ ୟୁନିଅନ ଏକ ଉଦାହରଣ ସୃଷ୍ଟି କରି ସରକାରଙ୍କୁ ବାର୍ତ୍ତା ଦେଇଛି ରାଜ୍ୟ ସରକାର ସାମ୍ବାଦିକ ଙ୍କ ଭତ୍ତା ନେଇ ଗୁରୁତର ସହ ତର୍ଜମା କରନ୍ତୁ ବୋଲି ସରକାରଙ୍କୁ ଅନୁରୋଧ କରିଛନ୍ତି l ଏଥିରେ ଉପଦେଷ୍ଟା ସୁରେଶ ଚନ୍ଦ୍ର ଦାଶ ,କୋଷାଧକ୍ଷ ଧରଣୀଧର ପଟନାୟକ , ବରିଷ୍ଠ ସଭ୍ୟ ଅମୁଲ୍ୟ ନିସଙ୍କ ଉପସ୍ଥିତ ଥିଲେ।