jmjnewso
ସୁବର୍ଣ୍ଣପୁର : ଜେଏମଜେ ନ୍ୟୁଜ : ସୁବର୍ଣ୍ଣପୁର ଜିଲ୍ଲା ଡୁଙ୍ଗୁରିପାଲି ଥାନା ଚିନାଜୁରୀରୁ କେବାଡ଼ ଯିବା କେନାଲ ରାସ୍ତାରେ ଆଗଲପୁର ସମିତି ସଭ୍ୟଙ୍କୁ ଗୁଳି କରି ହତ୍ୟା କରାଯାଇଛି। ସୂଚନା ମୁତାବକ ଅଚ୍ୟୁତ ନାଏକ ବୟସ (୪୦)ପିତା ସଭାପତି ନାଏକ ଗ୍ରାମ କେବାଡ଼ ଥାନା ବରପାଲି ଜିଲ୍ଲା ବରଗଡ଼ ଗତକାଲି ସନ୍ଧ୍ୟାରେ କୌଣସି କାମ ପାଇଁ ବରଗଡ଼ ଯାଇ ବିଳମ୍ବିତ ରାତ୍ରିରେ କାମ ସାରି କାରରେ ଫେରୁଥିବା ବେଳେ ଚିନାଜୁରୀ କେନାଲ ରାସ୍ତାରେ କେହି ଦୁର୍ବୃତ୍ତ ଗୁଳି କରି ହତ୍ୟା କରି ଫେରାର ମାରିଥିଲେ।
କାର ଭିତରେ ତାଙ୍କର ମୃତଦେହେ ରକ୍ତ ଜୁଡୁବୁଡୁ ଅବସ୍ଥାରେ ସ୍ଥାନୀୟ ଲୋକେ ଦେଖି ଡୁଙ୍ଗୁରିପାଲି ପୁଲିସକୁ ଖବର ଦେଇଥିଲେ। ଘଟଣାସ୍ଥଳରେ ପୁଲିସ ପହଂଚି ତଦନ୍ତ ଜାରି ରଖିଥିବା ବେଳେ ବଲାଙ୍ଗୀର ସାଇଣ୍ଟିଫିକ୍ ଟିମ୍ ସହ ଅନୁସନ୍ଧକ୍ଷନୀ କୁକୁର ଆସି ସମସ୍ତ ନମୁନା ସଂଗ୍ରହ କରି ନେଇଥିବା ବେଳେ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି। ଅଚ୍ୟୁତଙ୍କ ପିତାଙ୍କ ଅଭିଯୋଗ ଅନୁଯାୟୀ, ପାରିବାରିକ ଶତ୍ରୁତାକୁ ନେଇ ଏଭଳି ଜଘନ୍ୟ ହତ୍ୟା କରାଯାଇଛି। ଅଚ୍ୟୁତଙ୍କ ପିତା ଡୁଙ୍ଗୁରିପାଲି ଶନି ମନ୍ଦିରର ପୂଜକ ଏବଂ ସେ ମଧ୍ୟ ମନ୍ଦିରରେ ପୂଜା କାର୍ଯ୍ୟ କରୁଥିଲେ। ଏନେଇ ପୁଲିସ ଏକ ମାମଲା ରୁଜୁ କରି ବହୁତ ଶୀଘ୍ର ହତ୍ୟାକାରୀକୁ ଗିରଫ କରାଯିବ ବୋଲି କହିଛି।
